Засаг дарга Ж.Батсуурь иргэнээ “хулгайч, баасаа идсэн гуйлгачин” гэж доромжилжээ
Сүхбаатар аймгийн Засаг дарга Ж.Батсуурь АН-ын ҮЗХ-д сонгогдоод тун баяртай яваа гэнэ. Харин эрхэм даргыг дээшээ дэвших бүрийд түүнд доромжлуулсан иргэд улам доошоо дарагддаг болж. Тус аймгийн эмнэлгийн байранд амьдарч байгаад хөөгдсөн иргэд Засаг даргаасаа 98 сая төгрөгийн хохирлоо нэхжилэн одоо болтол шүүхээр заргалдаж явна. Ж.Батсуурь төрийн эрх мэдлээр далайлган 2010 оны 9-р сарын 8-нд иргэн М.Энхбаатар нарын амьдарч байсан байрыг хүчээр нураажээ. Иргэдийг орох оронгүй болгосноос гадна хэвлэл мэдээллээр “хулгайч луйварчин” гэж тараан сэтгэл санааны маш их хохирол учруулсан гэж И.Энхбаатар шүүхэд гаргасан гомдолдоо дурдаж. Засаг дарга 2011 оны 2-р сарын 20-нд орон нутгийн телевизээр ярилцлага өгөхдөө түүнийг “залилан хийсэн” гэж ярьж.бүр түүнийгээ товхимол болгоод тараасан гэнэ. 2011 оны 12-р сарын 2-нд Ж.Батсуурьтай өрөөнд нь орж уулзсан биш “хулгайч баасаа идсэн гуйлгачин, муусайн гөлөгнүүд” хэмээн доромжлуулаад гарчээ. Засаг даргын захирамжаар газар албадан чөлөөлөх ажиллагаа явуулахдаа маш балмад аргаар хийгдсэн гэнэ. Байшин буулгах үед гэрийн эд хогшлыг нь шууд гадаа гаргаад хаяж байж. Үүнээс болж зурагт нь бороонд норон шатжээ. Дээвэрт хадгалагдаж байсан өвлийн хувцсаа ч авч чадалгүй нурангид даруулсан гэнэ. Энэ мэтээр хохирсон хэд хэдэн иргэн байдаг агаад эрх мэдэлтэй Засаг даргаасаа хохирлоо гаргуулахаар дөрөвдөх жилдээ шүүхийн босгыг элээж явна.
NUUTS.mn
