Ажилсаг хүн архинд амархан ордог гэнэ
Энэ таамаглалаа батлахын тулд судлаачид 14 орны 313 мянга гаруй хүнийг хамарсан маш өргөн хэмжээний судалгаааны ажил явуулжээ. Судагааны дүнд долоо хоногт 49-54 цаг ажилладаг хүн 40-48 цаг ажилладагаасаа архинаас хамааралтай болох магадлал нь 13 хувиар илүү байдаг гэсэн дүгнэлт гарчээ. Түүнээс гадна “ажлын малнууд” чихрийн шижин, хавдар, зүрх судасны өвчнөөр амархан өвчлөмтгий болдог аж. Хэт их ажиллдаг хүмүүс сэтгэл зүйн дарамтад ордог тул хамгийн түрүүнд архиар тайлах гэж оролддог гэнэ. Хэрвээ өдөрт 10-аас илүү цаг ажиллаад эхэлбэл зүрх судасны хэвийн ажиллагаа алдагдаж улмаар тархи буруу “ажиллаж” эхэлдэг. Их ажилласан хүн гэртээ ирээд тайвшрахын тулд “100” татдаг бол ачаалал нь ихэдсэн үед 200 болгох замаар цаашаа өсдөг жамтай. Иймд долоо хоногт дээд тал нь 48 цаг ажиллах нь хүний биемахбодийн тэсвэрлэх дээд хязгаар гэнэ.
NUUTS.mn
