“Хасбанк”-ны салбарын эхлэгч асан харилцагчаасаа 20 мянган юань залилсан хэрэгт холбогджээ
Нийтэлсэн: 2015-01-19 03:16:47
Баянзүрх дүүргийн 25-р хорооны нутаг дэсгэрт буюу олны ярьдагаар Нарантуул захын өргөтгөлийн салбарын эрхлэгч байсан Г.Г нь байнгийн үйлчлүүлэгчээсээ 20 мянган юань буюу 6 сая төгрөг зээлэх нэрээр залилсан гэх хэрэгт холбогджээ. Тэрээр Наадамын өмнөхөн машин авах гээд уг мөнгийг зээлсэн гэжээ. Гэсэн ч машинаа авч чадаагүй тул байшин барихдаа ашигласан гэж мэдүүлж. Мөнгийг нь намраас эхлэн цувуулж өгсөөр үлдэгдлийг нь 2015 оны 1-р сарын 6-ны өдөр бүрэн төлж барагдуулсан агаад хохирогчийг залгахад нь утсаа авахгүй байсан нь үнэн гэдгээ хүлээжээ. Харин хохирогч Г.А нь уг салбарын байнгын үйлчлүүлэгч, харилцагч тул бие биенээ таньдаг байж. Зургаан сая төгрөг хүүтэй зээлээч гэхээр нь 20 мянган юаниа бэлнээр өгөөд баримт хийлгүүлж авчээ. Тохирсон хугацаандаа мөнгөө авахаар очтол амарсан байж. Утсаар ярихад ажилдаа ороод өгнө гэсэн ч удалгүй холбоогоо тасалж утсаа авахаа больжээ.Хайсаар гэр нь очтол хаалгаа ч тайлж өгөөгүй тул арга буюу цагдаад хандсан гэнэ. Авсан мөнгөө төлж барагдуулсан тул шүүх Хас банкны салбарын эрхлэгч асаны хэргийг хэрэгсэхгүй болгож шийдвэрлэжээ. Аль ч банкны дотоод журамд ажилтнуудаа харилцагчаасаа мөнгө зээлэхийг хориглодог гэнэ.
NUUTS.mn
