Араб залуус нохойг 10 удаа дайрчээ…манайд ч ийм явдал болдог
Нийтэлсэн: 2015-01-16 07:57:40
Хоёр залуу зөвхөн таашаал авах бас интернетэд тавин олон лайк цуглуулахын тулд хөөрхий нохойг жийп машинаараа арван удаа дайрсан жигшүүрт хэрэг Саудын Аравид гарчээ. Зэрлэг залуусын харгис зугаа олны анхааралд өртөж бичлэгийг нь 80 мянган хүн үзжээ. Мөн байгаль хамгаалагчид цагдаа нар ч үзсэн байж. Олон нийт болон байгаль хамгаалагчдын шаардлагаар тэдгээр залуусыг баривчилж амьтантай зөөлөн харьцахыг заасан Аллахын ёсыг зөрчсөн хэмээн ял тулгаж. Шүүх амьтан тарчилган зовоосон хэмээн тэднийг 500 мянган риалаар торгох шийтгэл оноожээ. Харин Монголд ял шийтгэл хүлээдэггүй агаад машинаараа дайрсан бол цусаа урсгасан хөөрхий амьтныг зам дээр хаяад алга болдог.
NUUTS.mn
