Нууц мэдээллийн уурхай

Монголд бизнес эрхэлдэг хятад иргэд амиа алдсан харамсалтай хэрэг гарсан. Энэ хэрэгтэй холбогдуулан Монголд хөрөнгө оруулагчдын “Зун хуа” гэгч нийгэмлэгээс мэдэгдэл гаргаж. Ийм нийгэмлэг байдгийг олон нийт урьд нь сонсоогүй. Хятадын хөрөнгө оруулалттай гэх компаниуд хууль зөрчиж, хятад барилгачид гэмт хэрэг үйлдэж байхад гарч ирээгүй “нийгэмлэг” энэхүү хүн амины хэргээр мэдэгдэл хийж байна. Хятад бизнесмэнүүдийн амийг хөнөөсөн явдлыг зөвтгөж байгаа монгол хүн байхгүй. Гэтэл “Зун хуа”нийгэмлэгийн мэдэгдлээс “монголчууд баярлан хүлээж авч” байгаа мэт ойлголт төрүүлэх зорилготой санаа цахалзаж байна. Бүр тийм хүмүүсийг хайгаад байгаа бололтой. “Зун Хуа” нийгэмлэг энэхүү гэмт хэргийг “өдөөн хатгалт” гэж дүгнэжээ. Харин Монголын олон нийт улстөрийн санаа зорилгогүй шунахай сэдэлттэй эрүүгийн гэмт хэрэг гэж үзэж байна.  Харин хэн нь хэнийгээ өдөөн хатгасан болон энэ “өдөөн хатгалтад” ямар хариу барих нь айдас төрүүлж байна. Урд хөрш өөрийн “эрх ашгаа хамгаалахаар” Хималайн нэгэн жижиг улсад цэргээ оруулж байсан саяхны явдлыг сануулаад байгаа бололтой.  Гадаадын иргэдийн амь насыг хөнөөсөн этгээдүүдэд хуулийн дагуу хатуу хариуцлагаа хүлээнэ.  Тэгвэл хятад компаний ажилтан Хятадын иргэн монгол хүнийг машинаар дайрч амь насыг нь хөнөөсөн Дорноговийн хэрэгт “Зун Хуа” мэдэгдэл гаргаж байгаагүй билээ.
 

NUUTS.mn