Царайлаг хүмүүсийг үнэгүй хооллодог зоогийн газар нээгджээ
Нийтэлсэн: 2015-01-15 04:54:55
Хятадын Цжэнчжоу хотын шинээр нээгдсэн зоогийн газар үүдэндээ царайлаг хүмүүсд үнэгүй үйлчилнэ гэсэн сурталчилгаа байрлуулаад их амжилт олжээ. “Жэжү арал” гэдэг уг зоогийн газар өдөрт хамгийн царайлаг эрэгтэй эмэгтэй 50 хүнийг үнэгүй хоолоор дайлдаг аж. Өөрийгөө царайлаг хөөрхөн гэж үздэг хүмүүсийг эхлээд “Гоо сайханыг тогтоох” өрөөнд оруулдаг гэнэ. Тэнд хотын хамгийн нэр хүндтэй эмнэлэг, гоо сайхан үсчиний төлөөлөл үнэгүй хоол идэх хүсэлтэй хүний гоо үзэсгэлэнг бүх эрхтэн бүрээр нь шалгаж тогтоодог аж. Гоо сайханы эмнэлгийнхэн унаган төрхөөрөө байгаа эсэхийг нь нарийн шалгадаг бол үсчид үсийг нь үздэг гэдэг. Энэ шалгуурыг давсан хүн л тусгай тавцанд гарч царай муутай бусад үйлчлүүлэгчдийн өмнө дээд зэргийн үйлчилгээ хүртдэг аж. Энэ мужийн гангачуудын хувьд “Жэжү арал” зоогийн газрын царайлаг хүмүүсийн хэсэгт хоол идэх нь нэг ёсны өрсөлдөөн болжээ.
NUUTS.mn
