Нууц мэдээллийн уурхай

Дорнод аймагт Засаг дарга С.Ганбат түүний зөвлөх Г.Болдбаатар нартай холбоотой том шуугиан дэгджээ. Аймгийн төвийн Тусгаар тогтнолын талбайн баруун талд орших А зэрэглэлийн бүсэд ордог газарт орон сууцны барилга баригдаад эхэлжээ. Гэтэл уг газар нь урьд нь аймгийн МХГ-ын өмчлөлд байсан гэнэ. МХГ нь албаны барилга, лаборатори, ажилчдын орон сууцыг барихаар тухайн газрыг авсан атал ийнхүү хувийн барилгын компаний мэдэлд орчихож. Газрыг мэдээж аймгийн Засаг даргын захирамжаар шилжүүлсэн байгаа. Харин МХГ-ын газрыг авсан компани нь аймгийн АН-ын “алдарт лидер”, Засаг даргын зөвлөх Г.Болдбаатарын хүүгийнх болж таарчээ. Засаг дарга С.Ганбат захирамж гарган төрийн байгууллагын газрыг “Тод сүндэрэл” компаний захирал Б.Түшигд өгсөн нь илэрч. Уг нь Засаг дарга зөвлөхийн хамт уг газрыг хэнд өгсөнөө хэлэхгүй нэлээд гүрийн бүр аймгийн ИТХ-ын хурал дээр хүртэл ам нээхгүй таг дуугай сууж нэлээд удаан тэссэн гэнэ.  Засаг дарга С.Ганбат, зөвлөх Г.Болдбаатар нар нь баз хүргэн аж. “Тод сүндэрэл” компаний орон сууцны барилга нь зөвлөхийн “Түшнээ” компаний байрны зүүн талд баригдаж байгаа нь аав хүү хоёрын барилга зэрэгцэн аймгийн төвийг “чимэх” хувь заяатай байжээ.
 

NUUTS.mn