Р.Бурмаа сайдын “бурам” нь энэ…
.jpg)
Манай эрх баригчид үндэсний үйлдвэрлэлийг дэмжинэ гэж амладаг нь тоглоом хийж байгаа хэрэг гэдгийг ХХАА-ын сайд Р.Бурмаагийн гаргасан 20 мянган тонн улаан буудай импортлох тушаал харууллаа. Гэтэл ердөө хэдхэн хоногийн өмнө төрийн тэргүүнтэн бид үндэсний үйлдвэрлэлээ дэмжинэ хэмээн ам тангарагаа өгөх шахаж байсан. Дотоодын үйлдвэрлэгчидийн агуулахад өдгөө 70 мянган тонн буудай хадгалаастай байгаа. Гэтэл салбарын сайд нь гаднаас буудай авах шийдвэр гаргачихаад гурван өөр хариулт хэлээд явж байгаа нь тариа мэддэггүй Ш.Түвдэндоржоос долоон дор хүн гэдгээ харуулж. Дотоодын үйлдвэрлэгчид эсэргүүцлээ илэрхийлэхэд тэрээр “үүнийгээ засна, энэ бол бодлогийн алдаа” гэж уриалгахан хүлээн авсан ч алдаагаа зассангүй. Дараа нь “энэ надад хамагүй, өмнө нь тэгээд шийдчихсэн юм байна лээ” гэж өөрөөсөө түлхсэн. Эцэст нь ерөнхий сайдын шийдвэр хэмээн ярьж яваа сурагтай. Талх идэж явсан болохоос тариа тарьж үзээгүй сайд хатагтайн тушаалаар дотоодын есөн компанид улаан буудай импортлох эрх олгожээ. Үүнээс өнгөрсөн жил нэлээд их хөрөнгө хаяж тариланчдаас буудай авсан “Од групп” 4200 тоннын зөвшөөрөл авч Харин хамгийн их хэмжээтэйг оруулж ирэх зөвшөөрөл “Милл Хаус” компанид оногджээ. Энэ компаний эзэн хэн бэ гэдгийг олон нийт мэднэ. Р.Бурмаа сайд хэнд их “бурам” долоолгож байгаа нь тодорхой болсоноос гадна цаашдаа үндэсний хэдэн газар тариалангийн компанидаа шилний цаанаас “бурам” долоолгох “хатуу сэтгэлтэй эх” гэдгээ ч харуулж.
NUUTS.mn
