16 онд АН-тай “баяртай” уулзая…
Өчигдөр АН-ын УИХ дахь бүлэг хуралдаж төсвийн тодотголыг хэлэлцээд ард түмнээ баярлуулсан “сайхан шийдвэр” гаргажээ. Засгийн газрын хэмнэлтийн бодлого нэрээр оруулж ирсэн сар бүр өгдөг хүүхдийн мөнгийг өрхийн орлогоор нь ялгаварлан хасах, алдарт эхчүүдэд өгдөг одонгийн мөнгийг танах, гибрид машиныг албан татварыг 30 хүртэл нэмэгдүүлэх зэрэг саналыг хүлээн авахаас татгалзан “их гийгүүлжээ”. Үүнийг нь намын дарга нь ард түмнээ их харж үзсэн аятай цахим хуудсаараа цацлаа. Аавынх нь машины татварыг нэмээд ээжийнх нь одонгийн мөнгийг зогсоогоод хүүхдийнх нь сүүний мөнгийг хасах санал гаргахдаа АН ард түмнийг яаж амьдарна гэж бодож байсан юм бол... АН-ын эхний Ерөнхий сайд нь ард түмнийг дааж давшгүй өрөнд унагасан бол дараагийн засаг нь тэтгэмжийг хуу хасаж тоглож байна. Өдгөө үүнийгээ нэг их мундаг ажил хийсэн мэт ичихгүй сурталчилах биз. Ард түмнээр ийнхүү тоглосны төлөө олон нийт АН-ыг 2016 онд нэгэнт хашраахаар шийдсэн. Хашраах хашраахдаа нэг хэсэг сэхэхгүй болтол нь навс унагаж таараа. Монголчууд АН-д “баярласан сэтгэлээ” 16 онд засгаас зайлуулж илэрхийлэх хэрэгтэй.
NUUTS.mn
