Криштиан Роналду Ирина Шейк нар салжээ
Нийтэлсэн: 2015-01-14 06:25:48
Португалийн нэрт хөлбөмбөгчин болон татаар загвар өмсөгч нарын хайр дурлалын роман төгсөж байгаа тухай гадны сайтуудад бичээд эхэлжээ. Үүний баталгаа нь саяхан болж өнгөрсөн “Алтан бөмбөг” гардуулах ёслол гэнэ. Роналдугийн хувьд тун чухал бас нэр хүндтэй энэ ёслолд Ирина Шейк ирээгүй нь “нэг юм болсон”-ыг баталж байгаа аж. Түүгээр ч үл барам хайрт залуу нь хөлбөмбөгийн нэр хүндтэй шагналыг авч байхад бүсгүй нь далайн эрэгт юу ч болоогүй мэт амарч явжээ. Ээлжит “Алтан бөмбөг”-өө авсан Роналду үг хэлэхдээ өөрийн хайртай дотны бүх хүмүүсдээ талархалаа илэрхийлсэн ч яагаад ч юм амраг бүсгүйнхээ нэрийг дурдсангүй. Түүнээс гадна Ирина Шейк хайрт залуугаа “Алтан бөмбөг” авсан тухайд өөрийн цахим хуудсандаа нэг ч үг өгүүлбэр тавьсангүй. Урьд нь тэрээр Роналдутой холбоотой бүхнийг оруулдаг байсан гэнэ. Бүр найз залуугийнхаа хамаатан садны зургийг хүртэл тавьдаг байжээ.
NUUTS.mn
