“Сэрүүлэг” дээд сургуулийн оюутан насанд хүрээгүй охин жирэмслүүлж үр хөндүүлжээ
Нийтэлсэн: 2015-01-14 03:24:30
Хэрэгт холбогдох үедээ “Сэрүүлэг” дээд сургуулийн бизнес менежментийн 2-р дамжаанд суралцаж байсан, Хэнтий аймгийн харьяат Т.Т гэдэг залуу Э.Д гэдэг охиныг 16 насанд хүрээгүйг нь мэдсээр байж бэлгийн харьцаанд орон жирэмслүүлж улмаар үр хөндүүлсэн үйлдэлдээ 300 цаг албадан ажил хийлгэх ялаар шийтгүүлжээ. Хэцүүхэн хэрэгт холбогдсон тул Т.Т-гийн эцэг эх нь хүүдээ сургуулиас нь нэг жилийн чөлөө авч өгсөн гэнэ. Гэхдээ хохирогч өөрөө сайн дураараа бэлгийн харьцаанд орсоноо хүлээн зөвшөөрч. Тэрээр энэ тухайгаа “би өөрөө зөвшөөрч Т.Т-тэй Хэнтий аймгийн Цэнхэрмандал сумын Хужхан багийн Илжгэний даг газар зусаж байсан авга ахын илүү гэрт мөн дараа нь сумын төвд өөрийнхөө жижиг гэрт унтсан, би жирэмсэн болно гэж бодоогүй, гэрийхнээсээ айгаад хэлээгүй” гэжээ. Хэрэг гарах үед хохирогч 15 нас 8 сар 14 хоногтой байсан нь тогтоогдож.. Тэрээр үр хөндүүлсэн агаад эмчилгээний зардалд 120 мянга, сэтгэл санааны болон бусад хохиролд 2.2 сая төгрөгийг хэрэгтний ар гэрийнхэн төлсөн гэнэ.
NUUTS.mn
