Нууц мэдээллийн уурхай

“Чингис” бондын мөнгөөр хотын төв, гэр хороолол,хурдны замын ажлыг хариуцан хэрэгжүүлэх “Гудамж” төсөл гэж бий. Энэ төсөл эхний ээлжинд 200 сая доллартой  тэнцэх 286 тэрбум төгрөг аваад байгаа.  “Фортуна” сайд асаны зохион байгуулсан ажлын  нэг онцлог нь “төсөл хэрэгжүүлэх нэгж” гэгч өөрөө их өндөр зардалтай байдаг гэнэ. “Гудамж” төсөл гэхэд л төслийн хяналтын зөвлөхийн зардалд 7.5 тэрбум, төслийн удирдлага зохион байгуулалтын зардалд 2.3 тэрбумыг зарцуулахаар төлөвлөж. Үүнээс өнгөрсөн оны байдлаар зөвлөх үйлчилгээний зардалд 3.1 тэрбумыг төсөл хэргжүүлэх нэгжийн зардалд 1.6 тэрбумыг зарцуулаад байгаа гэнэ. Ер нь “Чингис бонд”-ын хөрөнгөөр хэрэгжих төслийн нэгжийн ажилтан нь дунджаар 3.0 сая төгрөгийн цалин авдаг нь тогтоогдсон.  “Гудамж” төсөл  нь өөрийн гэх Төслийн удирдах хороотой.  Уг хороонд төслийн захирал Б.Батболдоос гадна “Шинэчлэлийн” Засгийн газрын Ерөнхий сайд асангийн ахлах зөвлөх Д.Батмөнх, татан буугдсан ЭЗХЯ-ны ТНБД, ЭХЯ-ний ТНБД нар орж. Мөн Газрын харилцаа, геодози зураг зүйн газрын дарга А.Хүрэлшагай, ЗТЯ-ны Стратеги төлөвлөтийн газрын дарга Б.Бямбажав, БХБЯ-ны Стратеги бодлого төлөвлөлтийн газрын дарга Г.Мэргэнбаяр нарын дарга нар байжээ. ТУХ-ны гишүүд нь том төсөл  удирдсаны хувьд цалин урамшуулал авдаг агаад хэдэн төгрөгний цалин авсан нь санхүүгийн бүртгэлээс хайгаад олдохгүй байтал бичиг хэргийн зардал дунд “эвтэйхэн хийчихсэн” байсан нь илэрсэн гэнэ. Үүнээс гадна  “Гудамж” төслийн “Хурдны зам” дэд төслийн захирал нь хятад судлаач-орчуулагч, Хотын төв” дэд төслийн  захирал нь түүхч-философич мэргэжилтэй бол “Гэр хороолол” дэд төслийн захирал нь КҮДС төгссөн урлагийн хүн байдаг тухай ажилтнууд нь хачирхан ярьдаг гэнэ.
 

NUUTS.mn