Ч.Сайханбилэгтэй МАН хамтарсан уу “хотын фракц” хамтарсан уу…
МАН-ын дарга М.Энхболд ТББХ-ны хурал дээр “Шийдлийн” Засгийн газрын шийдчихсэн төсвийн тодотголыг бут шүүмжилжээ. Хэлсэн зүйлийг аваад үзэхэд үнэхээр мундаг юм ярьжээ. Бараг л Ерөнхий сайдын нүдийг нь нээж чихийг нь онгойлгож өгч ашиглагдаагүй их нөөц хөрөнгө байгааг бүр зааж өглөө. “Хамтарч засаг байгуулсан нэрэн доор бид чимээгүй өнгөрөхгүй” гэсэн нь нэг талаасаа сөрөг хүчин яриад байх шиг нөгөө талаасаа АН-д гомдсон хамтрагч нь бувтнаад байх сонирхолтой сонсогдсон. Удахгүй “Шийдлийн” Засгийн газар хэдэн чухал томилгоо хийнэ. Урьд нь нэлээд чухалд тооцогдож байсан БХБЯ-ны ТНБД-ын суудлыг алдсанаас эхлээд МАН нь хамтрагчдаа хэдэндээ “хулхидуулчихсан” байгаа. Энэ нь Ардын нам дотор нь ихээхэн хэрүүл хэм ам дэгдээж даргынхаа “удаан хөдөлгөөнтэй урагшгүй бодолтойг” нь гайхсан. Хэрвээ дараагийн чухал томилгоон дээр ахиад л “хууртагдсаан” гээд сууж байвал намын нөхөд нь хотын фракц болон “Зүүний хүчний холбоо” луу муудсан өндөг шидэж л таараа. Магадгүй АН-тай Ардын нам хамтарсан уу эсвэл “Энхболд болон түүний нөхөд”-Зүүний хүчний холбоо хоёр хамтарсан уу гэсэн уугиж байгаа байгаа “цог” дүрэлзэн асаж мэдэх гэнэ.
NUUTS.mn
