Эрдэнэтийн “Энэрэл” төвөөс хүүхэд зодсон гэх хэрэг ахин гарчээ
Нийтэлсэн: 2015-01-13 07:33:19
“Эрдэнэт” үйлдвэрийн харьяа хүүхдийн асрамж хамгааллын төв “Энэрэл” нь “Сэлэнгэ” амралтын төвд нь хаьяалагддаг. Өнгөрсөн оны хавар энэ төвийн багш Ц.Энхтуяа нь хүүхэд зодсон гэх шуугиан дэгдэж байсан. Хэрэгт холбогдсон багш тийм хэрэг болоогүй гэж мэдэгдсэн бол Орхон аймгийн МХХ, Багшийн ёс зүйн хорооноос ажлын хэсэг гарч хэргийг шалган тухайн багшийг ахин боловсролын салбарт ажиллуулахгүй гэж Хүүхдийн төлөө газраас мэдэгдэж байсан. Тэгвэл өнгөрсөн зун ахин нэг багш нь хүүхэд зодсон гэх хэрэгт холбогдож энэ хэрэг нь шүүхийн шатанд яваа гэнэ. Тус төвийн багш В.У нь хүмүүжигч хүүхэд Б.Цэндийг хэл амаар доромжилж зодсон хэмээн “Эрдэнэт” үйлдвэрийн “Сэлэнгэ” амралтын баазын даргын тушаалаар ажлаасаа халагджээ. Багш мэдээж хүүхэд зодсон гэснийг эрс үгүйсгэж дарга удирдлага нь хүүхдэд үг заан өгч хуулийн байгууллагад хандуулсан хэмээн заргалдаж байгаа аж. Харин амралтын баазын захиргаа нь хүүхдэд гар хүрдэг нь батлагдсан гэж мэдүүлжээ. Багш В.У нь 2014 оны 4-р сарын 19-ны өдөр ээлжинд гарахдаа “Энэрэл” төвийн хүүхэд Б.Ц-г хэл амаар доромжилсон, 5-р сарын 24-ны өдөр төвийн хүүхэд У.Б-г бас хэл амаар дооромжилон өшиглөсөн зэрэгтээ амралтын баазын даргын 2014 оны 6-р сарын 6-ны өдрийн Б/33 тоот тушаалаар сахилгын арга хэмжээ авхуулсан гэнэ. Гэсэн ч дутагдалаа засалгүй 2014 оны 7-р сарын 25-нд Б.Ц-г ахин хэл амаар доромжилж нүүрэн тус газар нь алгадсан тул ажлаас нь халсан аж. “Энэрэл” төвийн багш В.У нь үүнийг худал хэмээн заргалдаж хүүхдэд шаардлага тавих үед харилцан түлхэлцэж энэ үед Б.Ц орон дээр суусаныг л зодсон хэмээн мушгисан гэжээ. Багшийн яриагаар бол тухайн үед амралтын газар бэлтгэл хийж байсан С гэдэг багшийн секцийн тамирчид “Энэрэл” төвийн хүүхдүүдийг байрандаа дуудан гар хөлөө бариулж базуулдаг байсан гэнэ. Багш үүнийг нь л болиулах гэж шаардлага тавьсанаас л асуудал үүссэн болж таарчээ.
NUUTS.mn
