Булганы эмнэлгээс оргосон хоригдлыг чонын үүрнээс барьсан гэнэ
Нийтэлсэн: 2015-01-13 03:21:28
Булган аймгийн Дашинчилэн суманд төрсөн 40 настай, гурван жилийн хорих ялтай байсан Д.Баяндүүрэн нь аймгийн Цагдан хорих байранд хоригдож байхдаа мухар олгой ургаж эмнэлэг хэвтсэн гэнэ. Улмаар 2014 оны 5-р сарын 15-наас 16-нд шилжих шөнө Булган аймгийн Нэгдсэн эмнэлгийн мэс заслын тасгаас оргожээ. Энэ нь түүний цагдан хоригдож байхдаа оргосон хоёрдахь удаагийн орголт нь байж. Тэрээр “намайг мэс заслын тасагт ахлах ахлагч Э хянаж байсан, тэр орой 22 цаг 30 минутын үед хяналтгүй ганцаараа бие засахаар гараад эргэлтийн хаалга онгорхой байхаар нь гарч оргосон, хоёр хүүхэдтэйгээ уулзмаар санагдаад л оргосон” гэж мэдүүлжээ. Шүүхийн шийдвэр гүйцэтгэхийн хоригдол оргосон тухай мэдээлэл аваад нийт бие бүрэлдэхүүнд түгшүүр зарлаж түргэн авчээ. Эмнэлгийн ойр хавийг нэгжиж санаад оргосон болохыг нь тогтоож. Өргөн хэмжээний эрлийн үйл ажиллагаа явуулсын үр дүнд дөрөв хоногийн дараа Орхон сумын “Их хайстай” гэдэг газрын хүрмэн чулуун дундах чонын үүрэнд унтаж байхад нь илрүүлж барьж авчээ. Хоригдлыг эрэн хайх ажиллагаанд гурав хоногийн хугацаанд нийт 36 албан хаагч ажилласан гэнэ. Тэд нарын өдрийн цалин болох 72 мянган, хоол хүнсний зардал 318 мянга, холбоо барьсан бэлэн байдлын утасны үнэ 10000, эрлийн ажиллагаанд сайн ажилласан ахлагч нарт олгосон өргөмжлөлийн үнэ 15000, шатахууны зарал 1.1 сая төгрөг гээд нийт 2.1 сая төгрөгийг оргосон хоригдлоос нэхэмжилжээ.
NUUTS.mn
