Нууц мэдээллийн уурхай

…БҮТ-д мэргэжилтэн Б.Батзаяа нь “ийм хурал болоогүй, нягтлан бодогч Алтанцэцэгт байрны хөнгөлөлт үзүүлэх асуудлыг хэлэлцээгүй” гэсэн бол ахлах мэргэжилтэн Л.Ганбат “хурлаар байрны дэмжлэг үзүлэх тухай яриагүй, хурлын тэмдэглэлийн зарим зүйлийг засаж засвар оруулсан байх” гэж мэдүүлжээ.  Н.Лхавуужав нь “Би БҮТ-д ажилд орсоны дараа захирал Энхбат хувьдаа компанитай гэж асууж байсан, тэгээд Алтанэцэцэгтэй уулз гэсэнд би түүнд компанийхаа дансыг өгсөн, захирлын гуйлтаар 12 сая, 8 сая гэх зэргээр нийтдээ 25 сая төгрөг гаргаж өгсөн, “Ган-Асу” компаниас 5 саяын сервер авлаа гээд надад хүлээлгэж өгсөн зүйл байхгүй” гэжээ. Ийнхүү захирал нягтлан хоёрын хувийн компаний дансаар мөнгө гаргасан, хурлын тэмдэглэл хуурамчаар үйлдсэн нь нотлогджээ. ШШҮХ-гийн шинжээчийн дүгнэлтээр 2009-2011 оны хооронд 156.3 сая төгрөгийн ажил үйлчилгээг анхан шатны баримтгүйгээр данс бүртгэлд тусгасан гэж гарчээ. Мөн захирал Б.Энхбат, нягтлан бодогч Ж.Алтанцэцэг нар нь нийт 273.2 сая төгрөгийг хувийн компаниудад шилжүүлсэн бөгөөд үүнээс анхан шатны баримтгүйгээр 156.3 сая төгрөгийг тайлан бүртгэлд тусгасан нь Нягтлан бодох бүртгэлийн хуулийг зөрчсөн үйлдэл болжээ. Гэсэн ч шүүхээс тэд нарыг хэргийг хэрэгсэхгүй болгож эрүүгийн хариуцлагаас чөлөөлжээ.
 

NUUTS.mn