Нууц мэдээллийн уурхай

ИНЕГ-ын дарга асан С.Батмөнх, М.Батболд,Д.Эрдэнэбат нарын нисэхэд нэг тэрбумын хохирол учруулсан хэргийг шүүхээр шийдвэрлэсэн. С.Батмөнхийг манай уншигчид мэдэх бол М.Батболд нь ИНЕГ-ын “Чингисхаан” ОУНБ-ын Программ сүлжээний инженер, Д.Эрдэнэбат нь ИНЕГ-ын Агаарын тээврийн бодлогийн газрын даргаар ажиллаж байж. Гэмт хэрэгтнүүд хуйвалдан доорхи аргаар нэг тэрбум илүү төгрөгийн онц их хэмжээний хохирлыг улсад учруулжээ. Засгийн газрын 2010 оны 11-р сарын 10-ны тогтоолоор батлагдсан хөтөлбөрийн дагуу ИНЕГ нь зоргчигч бүртгэлийн үйл ажиллагааг явуулахад шаардлагатай тоног төхөөрөмж, программ хангамжийн тендерийг дараа жил нь зарлаж “Азиател” компани ялжээ. Ялсан компани зорчигч бүртгэлийн иж бүрэн “vMUSE” программыг суулган хүлээлгэн өгч. Гэтэл ИНЕГ-ын дарга С.Батмөнх, тус газрын Агаарын тээврийн бодлого зохицуулалтын газрын дарга Д.Эрдэнэбат нар нь албан тушаалаа урвуулан ашиглаж “Чингисхаан” ОУНБ-д “Зорчигч бүртгэлийн оператор”-ыг сонгон шалгаруулах нэртэйгээр Үнэлгээний хороог байгуулж даргаар нь Д.Эрдэнэбатаа томилжээ. Үүнээс гадна тендер зарлагдаагүй байхад “Электрон системс” компаниас С.Батмөнхийн нэр дээр гэрээ байгуулах, гэрээний төсөл хүргүүлэх албан бичгүүдийг явуулж байсан баримт гарч иржээ. Ингээд энэ тендерт М.Батболдын “Электрон системс” компани 100 хувийн саналаар ялж операторын эрхийг авчээ.  Ялагч тодорсоны дараа ИНЕГ-ын дарга С.Батмөнх нь 2012 оны 2-р сарын 27-ноос эхлэн гурван жилийн турш “vMUSE”  системэээр  бүртгүүлсэн зорчигч тутамд 4000 төгрөгийн хураамж төлөх нөхцөл бүхий гэрээг “Электрон системс” компаний захирал А.Баярцэцэг/М.Батболдын эхнэр/-тэй байгуулаад ердөө маргааш нь 300 сая төгрөгийн урьдчилгаа шилжүүлжээ. Гэрээ байгуулсны нөгөөдөр нь 236 саяыг шилжүүлж. Энэ мэтээр дөрвөн удаагийн үйлдлээр “Электрон системс” компанид 1.062 тэрбум төгрөгийг хууль бусаар өгчээ. Мөнгөтэй болсон М.Батболдын ажил нь давхацсан тул тэрээр сүлжээний инженерийн ажлаасаа тэр дороо гарчээ. Өр ширээ цэгцэлсэний дараа гадаад дахь ажлаа амжуулахаар болж. ИНЕГ-ын дарга  С.Батмөнхийн 2012 оны 3-р сарын Б/65 тушаалаар Д.Эрдэнэбат, М.Батболд нар нь 3-р сарын 16-20-ны хооронд Хонгконг руу албан томилолтоор хамт явжээ. Гэтэл уг томилолтын материалд нь Хогконгийн талаас ирүүлсэн урилга, уулзалтын тов гэхээр баримт байсангүйн дээр томилолтын тайлан ч гаргаж өгөөгүй байжээ. Үнэндээ Д.Эрдэнэбат, М.Батболд нар шал өөр ажлаар буюу “Медиа Саммит Лимитед” гэдэг компаниа байгуулах ажлаар явсан аж. Тэд өөрийн биеэр заавал ч үгүй явах шаардлага гарсан нь гадаадад компани байгуулсан мөн банкинд данс нээсэнтэй холбоотойгоор гарын үсэг очиж зурах ёстой болж. “Электрон системс” компаний захирал М:Батболд нь Их Британийн харьяаны Виржини аралд хуулийн этгээд буюу аж ахуйн нэгж үүсгэн байгуулахдаа “Ананд энд Батзаяа” компаниас хууль зүйн туслалцаа зөвлөгөө авчээ. Шинээр байгуулагдах компанийхаа ТУЗ-д Г.Чинбат, Ч.Өнөрсайхан, М.Батболд, Д.Эрдэнэбат нарыг оруулахаар тогтсоноос Г.Чинбат нь ИНЕГ-ын дарга С.Батмөнхийн эхнэр, Г.Өнөрсайхан нь ИНЕГ-ын санхүүгийн ерөнхий менежер Г.Наранцэцэгийн ээж байжээ.
 

NUUTS.mn