Төрийн ажлыг “хийдүүлэгч”
Монголын төрийн албан хаагчдыг нэгэн япон зөвлөх ихэд гайхсан гэдэг. “Танай төрийн албан хаагчид өглөө замын түгжрээнд хараал зүхэл тавин ажилдаа маш их яарч ирдэг, тэгсэн мөртлөө ажилдаа ирчихээд зүгээр суугаад байх юм” гэсэн гэдэг. УИХ-ын гишүүд чуулганы хуралдаа суухаа байгаад ичих зовохоо үл мэдэн таслаад алга болдог нь бүр дэндсэн. Тэгвэл хуралдаа суудаг ч тасалдаг хэдээс дутахгүй төрийн ажлыг гацаадаг хүн байна. Тэр нь Булганаас сонгогдсон МАН-ын Ё.Отгонбаяр гишүүн юм. Энэ зургаас харахад он дамжин гишүүний хийж байгаа ганц ажил нь тодорхой мэт. Тэр нь ном бичих аж. Эрхэм гишүүний “Талд ассан түймэр” гэдэг ном Баабарын “Нүүдэл суудал”-аас дутахгүй борлогдож байгаа бас эрэлттэй байгаа тухай Ё.Отгонбаяр өөрөө бахархдаг. Тэгвэл тэр мундаг номоо төр барилцах ажлын цагаас хумслан байж бичсэн болж таарч байна. Ингэж гишүүний ажлаа хийх нь бусад шигээ таслаад алга болдогтой ёстой “агаар нэгэн буй” биз. Төрийн ажлыг хорлож түмний итгэлээр тоглож байхаар гишүүний албаа өгөөд Баабартай өрсөлдөх ажилдаа шулуухан орвол яасан юм бол…
NUUTS.mn
