НАМОХ “Ялалтын чимээ”-тэй хамтарч ямар “оператив” ажиллагаа явуулах юм бол…
Монголын хуулийнхан гүйцэтгэх ажиллагааг ”оператив” ажиллагаа гэж нэрлэдэг. Гүйцэтгэх ажиллагаанд тагнаж чагнахаас эхлээд дагах мөрдөх, сөрөг мэдээлэл цуглуулах хувийн нууцад нь нэвтрэх гээд бүхнийг хамааруулж болно. Б.Амарсанаа даргатай НАМОХ нь “Ялалтын чимээ” гэдэг бүлгэмтэй хамтран ажиллахаар болж байгаа гэнэ. Хоёр тал 2016-17 оны бүх сонгуульд МАН-аас нэр дэвшигчдийг ялалт байгуулахад дэмжлэг үзүүлэх, Ардын намын эрхэм зорилгыг оюутан залуусын дунд түгээх гэдэг ерөнхий нөхцөл дор хамтарч ажиллахаар тогтон санамж бичиг үзэглэхээр бэлэн болгоод байна. Нэр дэвшигчдийн сурталчилгааны үйл ажиллагаанд дэмжлэг үзүүлэх дэмжлэг авах нь байдаг л зүйл. Гэхдээ “оператив акцуудыг боловсруулах, хэрэгжүүлэх” гэдэг эргэлзээ бүхий заалт байх юм. Энэхүү “оператив акцуудын” цаана сэжиг бүхий ажиллагааг далдалж нууж байна гэх хардлага өөрийн эрхгүй төрж байна. МАНАН нь залуучууд оюутны байгууллагыг “боксын бээлий” шиг ашиглаж ирдэгээрээ тун адилхан. Сөрөг хүчний нэр дэвшигчдийн зурагт хуудсыг урах, хурал цуглааныг үймүүлэх зэрэг “хар ажиллагааг” залуучуудаар хийлгээд өөрсдөө ард нь үлдэхдээ сурамгай улс. Тэгвэл НАМОХ “Ялалтын чимээ” хоёр ямар “оператив акцуудын”талаар тохирсон юм бол… Тэгээд ч ялна гэдэгтээ бүр итгээд “Ялалтын чимээ” гэдэг нэр авсан бололтой…
NUUTS.mn
