Нууц мэдээллийн уурхай

Монголын өмнөх болон өнөө үеийн дарга нар наад захын бичгийн соёлоосоо эхлээд л тэнгэр газар шиг ялгаатай хүмүүс байсан гэдэг нь хоёр өөр даргын хоёр өөр цаг үед бичсэн бичгээс харагдаж байна. Хэдийн хаалттай дарангуйлалтай нийгэм гэж муулдаг ч социализмын үеийн дарга нар одоогийн “Ардын нам”-тай харьцуулашгүй жинхэнэ ардын хүүхдүүд байж. Бага наснаасаа сургууль соёлын мөр хөөж хэний ч дэмжлэг татаасгүйгээр цэвэр итгэл үнэмшил, хичээл зүтгэлээрээ сурж хүмүүжиж мэдлэг боловсрол олж авсан. Тэр үеийн дарга нар бичиг соёлын ямар өндөр боловсролтой хүмүүс байсан нь тухайн үеийн МАХН-ын УТТ-ны гишүүн асан Ч.Пүрэвжавын мэндчилгээнээс харагдаж байна. Хажуу дахь бичиг соёлтой хүнд үзүүлэхэд “ичмээр дамшиг” нь өнөөгийн залуу дарга нарын төлөөлөл гурван үеэрээ сайдын алба хашиж байгаа гэр бүлээс гаралтай АН-ын гишүүн, УИХ-ын гишүүн, ТБХ-ны дарга Б.Болорын чуулганы хуралдаанаас явахын тулд “бүх  саналыг дэмжиж байна” гэсэн бичгээр гаргасан “санал” гэнэ. ГХ-ны дэд сайдаас гишүүн, УИХ-ын Байнгийн хорооны дарга хүртэл дэвшин ажиллаж байгаа залуу улчтөрч маань бичнэ гэдгийг “үзүүлээд өгдөг” аж. Бичгийн хэлбэр хэвээс нь харахад төрийн албан хаагчийн зайлшгүй эзэмших ёстой баримт бичиг боловсруулах нарийн чимхлүүр ажлаас ихээхэн хол хөндий явсан нь харагдаж байна. Түүнээс гадна ямар ч өөрийн гэх байр суурьгүй бололтой. Орж ирсэн бүх асуудлыг дэмждэг  байр суурьтай  хүн ТБХ-ны даргын чухал албыг хашиж байна гэдэг нь гүйцэтгэх засаглалынханд том олз биз дээ.
 

NUUTS.mn