Нууц мэдээллийн уурхай

“Муу эрд халдага дараа” гэдгийг баталсан явдал Говь-Сүмбэр аймагт гарчээ.  Говь-Сүмбэр аймгийн Сүмбэр сумын 1-р баг, хувийн байрны … тоот хашаанд тус багийн иргэн, 44 настай, эрхэлсэн тодорхой ажилгүй  Ч.Батбаяр нь нэгэн эмэгтэйг хүчирхийлэх гэж дайрчээ. Хохирогч мэдүүлэхдээ “намайг танилындаа очихоор гарах гээд хашааныхаа гүйдэг хаалгыг онгойлготол нэг хүн зөрж орж ирээд шууд үсдээд зодсон, та юун хүн бэ гэхэд дуугарх юм бол ална шүү гээд үргэлжүүлэн зодсон, зодуулах үед хөхний мөрөвч тасарч унасан, хувцас тайлах гэхэд нь арай гэж мултраад гал түлдэг өрөөндөө ортол араас хөөгөөд ороод ирсэн, тэгээд гүйхэд саад болоод байсан өндөр өсгийтэй гутлаа тайлж хаяад гарч зугтааж чадсан, хажуу айлындаа ороод утсаар цагдаа дуудах гэтэл зугтаж явахдаа гар утсаа хаясан байсан, гарахаасаа айгаад тэр айлдаа хоносон, өглөө босоод хайсан боловч гутал, утас, ээмгээ олоогүй, хажуу айлын хүний утсаар цагдаад дуудлага өгчихөөд хүлээж байтал гэрээс залгаж чиний гутлыг нэг хүн зарна гээд явж байна, юу болсон бэ гэж ярьсан” хэмээн мэдүүлжээ. Эмэгтэй хүн хүчирхийлэхийг завдсан Ц.Батбаяр нь хаясан гутал ээмгийг аваад маргааш нь зарах гэж яваад дүү нартай нь халз таарч баригджээ.  Нэгэн эрэгтэй хүн гэрэлтдэг торонд гутал хийсэн явахаар нь санаандгүй хартал эгчийнх нь өмсдөг шар өнгийн элгэн өндөр өсгийтэй гутал нь мөн байсан тул таниад барьж авсан гэнэ.
 

NUUTS.mn