“Цэцэнс” компаний Ш.Батсамбууд 14 жил дарамтлуулсан гэжээ
“Нарантуул-ын босс Ш.Сайхансамбуугийн дүү Ш.Батсамбууд 14 жил дарамтлуулан зовж байгаа газар байгаа нь “Анчин” дэлгүрийнхэн гэнэ. Энэ хэрэгт тухайн үед хотын мээр байсан МАН-ын дарга М.Энхболд хүртэл холбогджээ. Хотын дарга М.Энхболд нь газрын маргаантай асуудлаар шүүхийн шийдвэр эцэслэн гараагүй байхад мөнгөтэй хүмүүсийнх нь талд орж бусдын эзэмшлийн газрыг захирамж гарган буцаан авч нөгөө талд нь өгсөн гэнэ. Энэ тухайд хотын даргатай уулзахаар хоёр сар өрөөг нь сахисаны эцэст асуудлаа ч тайлбарлаж чадалгүй өрөөнөөс нь хөөгдөн гарчээ. М.Энхболд уг иргэнд “би мэдэхгүй, тэр Сайхансамбуутай уулз, чи ер нь дуугай газраа л чөлөөлж өг, өөр чамтай ярих зүйл байхгүй” гээд хөөгөөд гаргасан аж. Хотын даргын дэмжлэгтэй болсон Ш.Батсамбуу нь газрын эзнийг 14 жилийн турш дарамталсан тухай хохирогч шүүхэд мэдүүлжээ. “Чи наад жорлонгоо/уг нь дэлгүүр барьж байсан/ барьж болохгүй зогсоо, энэ газрыг чинь би авах гэж байгаа юм, мөнгөтэй танилтай хүн газар авдаг юм, би Нарантуулын босс Сайхансамбуугийн төрсөн дүү байна, ах бид хоёрыг таних уу” гэж омогдон танхайрч ажилчдаараа зодуулсанд арга буюу цагдаад дуудлага өгөн хамгаалалт авч байжээ. Энэ хугацаанд гурван ч удаа хүмүүс авчруулан дайрч дээврийг нь хуулах, бульдозероор авчраад түрж нураана хэмээн дарамталж байсан гэж “Анчин” дэлгүүрийн эзэн мэдүүлсэн гэнэ.
NUUTS.mn
