Өвөрхангай аймгийн “оны хүн”
Оны өмнөхөн Өвөрхангай аймгийн Нутгийн зөвлөлийн шинэ жил болсон. Өврийн цэнхэр хангайнхан эв нэгдэлтэй гэдгээ харуулж АН, МАН нийлэн шинэ жилийн баяраа тэмдэглэжээ. Тэгвэл Ховдынхон хоёр тусдаа “баярласан” гэж байгаа. АН-ыг дагадаг хэсэг Л.Адьшаатайгаа тусдаа хийсэн бол Ардын намынхан С.Бямбацогтоор “өвлийн өвгөнөө” болгож “Алтан арслан”-гийн эзнээ тодруулсан. Өвөрхангайнхан шинэ жил бүрээр “Алтан соёмбо”ны эзнээ тодруулдаг уламжлалтай. Тэгвэл энэ жилийн “Алтан соёмбо”-ны эзнээр УИХ-ын дарга З.Энхболд тодруулж шагналыг нь ЗТ-ийн сайд Н.Төмөрхүү хүндэтгэлтэйгээр бас баяртайгаар гардуулж өгчээ. Ардын намынхан зонхилдог Нутгийн зөвлөлөөс АН-ын даргыг аймгийнхаа “оны хүнээр” тодруулсан нь “эвтэй сэвтэй” амьтны хэрүүл нам зогсож урьдын бүх гомдол маргаан бүрэн тайлагдсаны шинж гэлтэй. УИХ-ын дарга үүнээс гадна “Шонхор” фракцийнхаа шинэ жилээс “Алтан шонхор”-ыг нь аван ганзага дүүрэн бэлэгтэй сайхан наадсан гэнэ.
NUUTS.mn
