Нууц мэдээллийн уурхай

Та өсвөр насны охин хүүтэй бол доорхи зүйлийг ойлгуулаарай:
-Ямар ч үед ямар ч асуудлаар эцэг эхдээ хандаж болно. Энэ бол маш энгийн ч маш чухал зүйл тул хүүхдэдээ сайн ойлгуул.  Харин энэ үнэн гэдгийг харуулахын тулд та хоёр хүүхдээ хүнд үед нь ойлгож тусал.
-Ямар ч асуудалд чи өөрийн гэсэн байр суурь үзэл бодолтой байх эрхтэй. Гэхдээ зөвхөн бусдаас ялгарахын тулд биш гэдгийг ухааруул. Тэр байр суурь нь цэвэр өөрийн итгэл үнэмшилд үндэслэгдсэн байх учиртай.
-Дотоод сэтгэлээ ил гаргаж сур. Энэ нь дотроо байгаа бүхнээ ярь гэсэн үг биш, харин илэрхийлж чаддаг эрх зоригтой байх ёстойг хэлж байгаа юм.
-Хайр сэтгэл, бэлгийн харьцаа бол нэг зүйл биш гэдгийг ойлгуул. Хүүхэд үүнийг эрт ойлгох тусам бага алддаг.
-Сонгох боломж хэзээд байдаг. Амьдралын зам, ажил мэргэжлээ олоход сонголт нэгээр дуусдаггүй.
-Бусадтай эвтэй байхыг сурга. Бага байхдаа бусдыг гомдоодог байсан бол одоо энэ дэмий зүйлд цаг хүчээ зарах хэрэггүй болсон.
-Хүний үгийг сонсож сур. Сонсож сурах нь ярьж сурахаас хэцүү байдаг.
-Бусдыг хүндэтгэж харьц. Нас биеэнд хүрч байгаа хүний эзэмших ёстой дадал гэдгийг ухааруул.
-Спортоор хичээллэ. Хүүхдээ биеийн тамираар хичээллүүлэх нь зөв амьдралын хэв маягтай болох үндэс суурь нь болдог.
-Өдрийн тэмдэглэл хөтлүүл. Энгийнээр хэлэхэд өөрийн бухимдлаа дэвтэрдээ гаргачихна гэсэн үг.  Цаашлаад амьдралынхаа мартаж умартаж боломгүй олон ухаарлыг өдрийн тэмдэглэлээ эргүүлж байхдаа олж авдаг гэдэг.

Энэ бүгдийг ойлгосон хүүхэд хэзээ ч ийм үйлдэл хийхгүй.
 

NUUTS.mn