Өнгөрсөн болон одоо үеийн “туузны мангасуудын” ялгаа…
.jpg)
АН-ын засаглалын үед тууз хайчлах бүр дон болжээ. Улстөрчид хаана л тууз хайчлах газар байна өөрт нь огт хамаагүй ч хайч барьчихсан гүйгээд очиж байх жишээтэй. Хоёр жүжигчин бүсгүй Улаанчулуутад сургууль нээхэд УИХ-ын эмэгтэй гишүүд ичихгүй дуудаж уулзсан. Тэр хоёрт баяр хүргэхийн “ялдамд” зарим нь нээлтийн тууз хайчлахдаа урьсангүй гэж гомдоллсон гэж байгаа. Бүр дараа дараагийн удаад заавал дуудаж тууз хайчлуулж байхыг сануулсан гэсэн. Социализмын үед баригдөн өнөөгийн Монголын “саалийн үнээ” болоод явж байгаа Эрдэнэт үйлдвэрийн нээлтийн туузыг маш даруухан ч гүн хүндэтгэлтэй хайчилж байгааг та харж байна. Тухайн үеийн нам төрийн удирдагчаас өөр хайч бариад байгаа хүн алга. Харин тэгвэл өдгөө цагийн нэгэн дүүргийн эмнэлгийн барилгын нээлт дээр УИХ-ын хоёр гишүүн дүүргийн хурган улстөрчид, дарга нартай тууз хайчлах гэж ёстой нэг” “алалцаж” байх юм. Бүгд тууз хайчлах гэх агаад хүн бүр дараагийн сонгуульд эсвэл даргад нэр дэвшихдээ “би дүүргийнхээ эмнэлгийг хөөцөлдөж байж бариулсан” гэх үг өгүүлбэр оруулах л гэж тэр шүү дээ.
NUUTS.mn
