Дорнодчууд жилд 3 тэрбумын архи уудаг гэнэ
Нийтэлсэн: 2015-01-07 05:49:08
Зүүн бүсийн энэ аймгийнхан өнгөрсөн жилийг “Архигүй амьдрал” гэж зарлан тунхаглаж архидалттай тэмцсэн биш харин архидалт өссөн гэнэ. Дорнод аймгийн согтууруулах ундааны зах зээлийг голдуу хотоос хангадаг. Цагтаа “Уулаа” Мөнхтөр мэтийн нөхөд дотоод нөөц бололцоогоо дайчлаад өөрсдөө хангаж байсан гэдэг. 80 мянган хүнтэй энэ аймгийнхан жилд 3 тэрбум төгрөгийн архи согтууруулах ундааг 360 их бага дэлгүүрээр дамжуулан худалдаж авч уудаг агаад архинд бүрэн донтсон 600-хан хүн байгаа гэж уг хөтөлбөрийн тайлан илтгэлд дурджээ. Хэрвээ хотоос их архи ирдэг бол тэр урсгалыг нь хаах хэрэгтэй гэсэн санал хөтөлбөр боловсруулах үед гарч байжээ. Гэсэн ч аймгийн Засаг дарга С.Ганбатын хүндэт зөвлөх Г.Болдбаатарын “Түшнээ” компани нь “АПУ”-гийн гэрээт борлуулагч тул яаж ч чадаагүй болж таарчээ.
NUUTS.mn
