“Spice girls”-ын Мел Би нөхрийнхөө зодуураас зугтан гэрээсээ явжээ
Нийтэлсэн: 2015-01-07 04:12:49
Алдарт “Spice girls” хамтлагийн хар арьст гоо Мел Би нөхрийнхөө зодуурыг тэсэхээ байгаад найман настай Энжел, гурван настай Медисон гэдэг охидоо дагуулан гэрээсээ зугтан нууц газар орогнож байгаа гэнэ. Хамгийн том хүүхэд нь тусдаа амьдардаг аж. Эхнэртээ “карате” хийдэг нөхөр Стивен Белафонте нь кино найруулагч агаад дуучин бүсгүйн хоёрдахь нөхөр юм. Мел Би-гийн гурван хүүхэд нь гурван өөр эцэгтэйгээс асуудал үүсдэг байжээ. Том хүүгийнх эцэг нь бүжигчин Жимми Гюльзар бол дунд хүүхдийнх нь эцэг алдарт жүжигчин Эдди Мерфи юм. Харин хамгийн багынх нь эцэг нь оддоогийн кино найруулагч аж. Гэр бүлийн энэ хэргээс болж Мел Би сүүлийн хоёр жил нөхөртэйгөө хэрүүл зодоонтой байгаа бөгөөд байнга л хөх няц болчихсон явдаг байсан гэнэ. Нөхөр нь зоддогоо үгүйсгэсэн ч өмнөх түүх нь эмэгтэй хүнд гар хүрэх дуртай гэдгийг харуулж. 2001 онд тэрээр эхний эхнэрээ зодсон хэргээр баривчлагдаж байсан бол 2010 онд бааранд зодолдсон хэмээн бас л баригдаж байжээ.
NUUTS.mn
