Шадар сайдын ахлах зөвлөх МХЕГ-ын даргыг шалгуулна гэж айлгажээ
Өчигдөр шадар сайд У.Хүрэсүхийн ахлах зөвлөх Д.Батбаатар МХЕГ-д гал дөлтэй бууж дарга Д.Батмөнхийг нь өргөдлөө бичээд ажлаа бушуухан өг хэмээн шахсан гэнэ. Ирэх долоо хоногт шадар сайд Засгийн газрын хуралдаанаар МХЕГ-ын шинэ даргын нэрийг оруулах гэж байгаа тул ийнхүү ахлах зөвлөх нь хурдавчлуулах гэж өөрийн биеэр заларчээ. Уг нь халагдахаа мэдсэн Д.Батмөнх ирэх сарын 1-нд ажлаа өгөхөө У.Хүрэлсүхэд дамжуулаад байсан гэнэ. Энэ мэт шалтгааны улмаас ахлах зөвлөх, дарга хоёрын яриа ширүүхэн болж сүүлдээ бүр хэрэлдэх дээрээ тулжээ. Өдгөө моодонд ороод байгаа хэллэгээр “мэнд дээрээ ажлаа өг” гэсэн бололтой. Эс бөгөөс шалгуулдаг газраар нь шалгуулаад бүр хүнд байдалд оруулна гэнэ. У.Хүрэлсүхийн хувьд Д.Батмөнхтэй хэзээ ч “хамтрахгүй” байх олон шалтгаан бий. Хамгийн над зах нь гэхэд шадар сайдын хүрээлэлд багтаж явдаг Хилийн МХГ-ын дарга Төгсбаяр, НМХГ-ын дэд дарга Даваасүрэн нарыг Д.Батмөнх халсан нь л хангалттай гэнэ.
NUUTS.mn
