Нууц мэдээллийн уурхай

…Давж заалдах шатны шүүхэд улсын яллагч эсэргүүцэл бичихдээ “яллагдагч Т.Г, Ц.Б нар нь 2012 оны 12-р сард зарж борлуулах зорилгогүйгээр яллагдагч И.Т-гээс хууль бусаар олж авсан “делта 9 тетрагидроканнабинол” агууламж бүхий мансууруулах төрлийн ургамлыг Япон улсын иргэн Хара Цунэакиг мансууруулах бодис хадгалсан гэмт хэрэгт гүтгэхийн тулд зочид буудлын өрөөнд нь тавьсан нь нотлогдсон” гээд анхан шатны цагаатгасан тогтоолыг хүчингүйд тооцохыг хүсжээ. Гэрч Д.Б нь “бүтэн нэрийг нь мэдэхгүй, Тэка гэж дууддаг,  түүнээс хоёр удаа өвс худалдаж авч хүнд өгсөн, РС тоглоомын газар нэг залуутай танилцахад тэрээр өвсний хэрэг болоод байна олж өгөөч гэсэн, тэр залуугийн ах Гочоо гэдэг 30 орчим насны хүн хар өнгийн “Ниссан” машинтай ирсэн, 70 мянган төгрөг өгөхөд нь түүгээр нь Текагаас өвс авч өгсөн, намайг хэрэгтэй зүйл олж өглөө гээд 20 мянган төгрөгөөр шагнасан” гэж мэдүүлжээ. Ийнхүү тэд өвстэй болж авчээ. Бас нэгэн гэрч Д.О нь “Гочоо надтай хамт Антипро гэдэг тоглоомын газар тоглож байгаад надаас дээрэм, зодоон хийж чадах хүүхдүүд олдох уу гэж асуусан, яах гэж байгаа юм бэ гэхэд тийм хүүхдүүдээр хийлгэх ажил байна, хүний халаасанд юм хийлгүүлэх гэсэн юм гэж хэлсэн” хэмээн мэдүүлжээ.  Өөр бас арга ч хайж явсан бололтой. Цагдаад ажилладаг байсан С.Б гэдэг гэрч мэдүүлэхдээ “Гочоо надтай тамхи татаж байснаа яагаад ч Палас зочид буудлын тухай ярьсан, тэнд манай захирал байдаг” гээд “гадныхан их буудаг тул хүүхэн их авдаг, янхан их цугладаг, гадаадынхан байгаа юм чинь хар тамхи татдаг л байх, тэд нарын талаар мэдээлэл өгөх бол танай цагдаагийн хэсэг рүү өгөх үү, 102 дугаарын утсанд мэдэгдэх үү,  та нарын ажилд хэрэгтэй юу” гэж асуусан, би тийм хэрэг илрүүлбэл бид нарын ажлын үзүүлэлт өсдөг гэж хариулсан, амарч ирээд Палас зочид буудалд япон иргэн хар тамхины хэрэгт холбогдсон болохыг мэдсэн, тэгэхэд нь би Гочоо захирлыгаа хар тамхины хэрэгт холбогдуулах гэж байсан болов уу гэж дотроо таамагласан” гэж мэдүүлсэн гэнэ.  Хэрэг гардаг өдөр  Хара Цунэакитэй хамт ажилладаг Карибэ Хироши нь өдөржин хамт байжээ. Тэр хоёр цугтаа Японооос ирсэн зочдыг угтаж аваад ”Кемпински” зочид буудалд буулгаад тэндээ хамт оройн хоол иджээ. Дараа нь Хараг Палас буудалд нь буулгаад Карибэ нь “Жапантаун”-ы С-1 байранд байдаг гэр лүүгээ явж. Дашрамд дурдахад УИХ-ын ахлах зөвлөх А.Гансүх яг энэ байранд амьдардаг гэнэ.  Хараг өрөөндөө орсоны дараа буудлын хүлээн авах руу эрэгтэй хүн залгаад “манай Хара ирсэн үү өрөөндөө байгаа юу ?” гэж асуусан багаад гэрч нар намбалагдуу хоолойтой хүн байсан гэж мэдүүлжээ. Удалгүй цагдаа нар орж ирэн япон иргэний өрөөнд нэгжлэг хийхэд орных нь матрос доороос хар тамхины төрлийн бодис гарч ирсэн гэнэ. Улсын яллагч эсэргүүцэлдээ “2012 оны 2-р сарын 25-ны өдрийн 15 цагийн орчим “Палас” зочид буудлын хүлээн авах руу 99097…. дугаартай хэрэглэгч болох “Суруга Монгол” компаний менежер Т.Г нь 15 цаг 43 минутанд 55 сек, мөн орой нь 20 цаг 19 минутанд 23 секунд ярьсан нь утасны лавлагаа биллээр тогтоогдсон” гэж мэдэгджээ./үргэлжлэл бий/
 

NUUTS.mn