Жилийн 143 сая төгрөгний зардалтай гишүүд хүүхдийн мөнгийг хасах нь “ариун явдал” уу?
Монголын төрд хамгийн хүнд өртөгтэй тусдаг албан тушаал бол УИХ-ын гишүүн юм. Энэ эрхмийн жилийн зардал нь 143 сая төгрөг гэнэ. Төр “түшсэний” төлөө өгч байгаа цалин, утас унааны мөнгө, томилолтын зардал, хууль санаачилсаны урамшуулал, хууль боловсруулсаны хөлс гээд олон шимэгчилэл нь энд шингэсэн. Гэтэл энэ мөнгө багадсан мэт МАН-ын Су. Батболд бүр УИХ-ын гишүүний цалин хаанаа ч хүрэхгүй байгаа тухай гомдоллож байсан удаатай. Эдийн засгийн хямралын үед төрийн дээд давхаргынхан өөрсдөө эхлэн хэмнэлтийн үлгэр дууриалыг үзүүлдэг. Ерөнхийлөгч, Ерөнхий сайд, парламентийн гишүүд болон сайд нар нь өндөр цалин тусгай хангамжаасаа зориг гарган татгалздагийг гадаад орны жишээнээс олонтоо харагддаг. Гэтэл манай гишүүд танах хасах тухай ярихаар өөрөөсөө бус өөрөөлөөс хасах гэдэг болж. Хамгийн түрүүнд уйлахаас өөрөөр эсэргүүцэж чадахгүй гэж үзээд хүүхдийн мөнгийг хасахаар шийдсэн нь дэндүү дээрэлхэж байгаа хэрэг юм. Эцэг эх нь дунджаас дээгүүр орлоготой гэх шалтгаанаар нийт хүүхдийн 40 орчим хувь нь мөнгөгүй хоцрохоор болжээ. Хүүхдийн дараа ээжийг нь “барьж зулгаахаар” шийдэн энэ оны төсөвд суусан 211 мянган одонтой эхэд олгох 30 гаруй тэрбум төгрөгийн төсвийн тодотгол нэрээр авч үлджээ. Хэрвээ гишүүд эхлээд өөрсдийн авдаг 143 сая төгрөгөөсөө хасчихаад дараа нь бусдын мөнгийг танасан бол шудрага явдал болох байсан. Даан ч манай төрийн “түшээ” нарт ийм сэтгэл бас зориг гаргая гэсэн ч байхгүй. Гагцхүү “идэхээ” л боддог улс.
NUUTS.mn
