Дүүгийнхээ байрны мөнгийг үрчихээд залилан хийжээ
Нийтэлсэн: 2015-01-05 07:33:56
Солонгосд ажилладаг дүүгийнхээ явуулсан 60 сая төгрөгийг үрчихсэн эгч нь бусдаас их хэмжээний мөнгө залилан мэхлэх замаар авч өрийг нь төлсөн ч өөрөө 10 жилийн хорих ялаар шийтгүүлжээ. Хэрэгт холбогдох үедээ Баянгол дүүргийн Эрүүл мэндийн төвийн 7-р төвийн аж ахуйн даргаар ажиллаж байсан Л.Оюунцэцэг нь иргэн Б.Түвшинжаргалаас “гурван өрөө байр авах гэсэн юм” хэмээн 37 сая, Ч.Оюунбилэгээс “дүүгээ Солонгосоос ирэхээр өгнө” хэмээн 9.3 сая, Б.Хишигжаргалаас “байр зараад дундаас нь мөнгө унагааад өгнө” хэмээн 10 саяыг гэх мэтээр нийтдээ 66 сая төгрөгийг залилан авсан гэнэ. Гэсэн чмөнгийг эргүүлэн өгөх ямар ч бололцоогүй байсан агаад харин дүүгийнхээ өрийг дарж. Мөнгөө зээлдүүлсэн хүмүүс нь залилуулсан цагдаад хандсан гэнэ. Тэднээс Б.Түвшинжаргал нь нэлээд хатуу аргаар үзэж. Тэрээр Л.Оюунцэцэгээс их хэмжээний алданги нэхэх, байраа нэр дээр нь шилжүүлэхийг шаардах, ажил дээр нь ирж айлган сүрдүүлэх мөн гудамжны хүмүүсээр сахиулах, дагуулах зэргээр адал явдалд кинонд гардаг шиг арга хэрэгслээр мөнгөө нэхсэн гэнэ. “Сайн” эгч иргэний журмаар мөнгө зээлсэн гэж мэдүүлсэн ч шүүх,прокурор харин залилан гэж үзжээ. Солонгосд ажиллаж байгаа дүүгийнхээ явуулсан 60 сая төгрөгийг үрчихсэн тэрээр бэр дүүгээ ирэхэд гар хоосон сууж. “Та хоёрын мөнгийг найдвартай хүнд зээлдүүлсэн, ямар ч байсан та хоёрыг байргүй болгохгүй” гээд зориглон хөдөлж 66 сая төгрөг “босгон” олж өгөөд өөрөө 10 жилийн хорих ялаар шийтгүүлжээ.
NUUTS.mn
