Хүүхдээ хэрхэн гэрийн ажилд сургах вэ ?
Монгол шиг оронд хүүхэд гэрийн ажилд эрт ордог байсан ч өдгөө хэцүү болж. Эрт ажилд орсон хүүхэд эмх цэгцтэй, хувийн зохион байгуулалт, төлөвлөлт сайтай болдог. Ажилсаг хүүхдийн бүх зүйл эмх цэгцтэй байдаг. Үүний тулд хүүхэд ч гэсэн юмаа эмхэлж цэгцэлж чаддаг гэдгийг сайтар ойлгуулж өгөхөөс эхлэх хэрэгтэй:
- Өдөрт 2-3 гэрийн ажил тогтмол даалгаж хийлгэж хэвших,
- Гэхдээ хүүхэд дургүйцэх, залхах тээршаана гэдгийг тооцоолж үз,
- Шаардлагатай үед нь өөрийн биеэр үлгэрлэн хийж үзүүл,
- Хийж байгаа ажлыг нь аажмаар хүндрүүлж ачааллыг нь нэм,
- Энэ үед байнга нэг шаардлага тавих хэрэгтэй, өнөөдөр заавал хий гэчихээд маргааш нь зөнгөөр нь орхиж болохгүй гэдгийг сана,
Гэрийн ажилд сургахдаа хүүхдийнхээ хичээл сурлагад хүндрэл учруулахгүй байх тал дээр нь анхаарах хэрэгтэй. Үүний тулд зарцулах цагийг нь зөв зохицуулах нь чухал. Жишээ нь 6-8 настай хүүхэд 20-25, 8-10 настай хүүхэд хагас цаг харин түүнээс дээш насныхан өдөрт 45 минут “хөдөлмөрлөхөд” хангалттай гэсэн судалгаа байдаг.
NUUTS.mn
