АН-ын сонгуулийн компанит ажил МҮОНРТ-ын Ерөнхий захирлаас эхэллээ
Уг нь МҮОНРТ нь “олон нийтийн” гэх тодотголтой. Гэтэл эрх баригчид энэ чухал байгууллагын удирдлагад өөрийн намын генсекээ томилон явуулснаар энэ статусыг нь бүрэн алдаглуулах нь. Бүхэл бүтэн намын генсек хүн ганц хоёрхон өдрийн дотор олон нийтийн ашиг сонирхолыг “илэрхийлэгч” болж өөрчлөгдөнө гэвэл нар баруунаас мандахтай ижил биз. Өдгөө МҮОНРТ-ийн ерөнхий захиралд нэр дэвшээд байгаа Ц.Оюундарь нь энэ оны ажлын гол зорилтоо” ирэх сонгуульд намаа ялуулах төлөвлөгөөний гараагаа хийх” гэж зарлаж байсан. Харин намын дарга нар нь түүнийг үндэсний ганц радио телевизийг авснаараа намдаа генсекийн “хар ажил” хийснээс илүү тус хүргэнэ гэж үзжээ. Ийнхүү АН-ын 2016 оны сонгуулийн компанит ажиллагаа нь Ц.Оюундарийг МҮОНРТ-ийн ерөнхий захирал болгохоос эхэлжээ. Өмнө АН, МАН гэлтгүй мэдээллийн “ММ” агентлагийг л авах гэж ил далд өрсөлддөг байсан бол өдгөө эрээ цээрээ алдан бүхлээр нь залгих гэдэг болж. Нөхцөл байдал ч “нялганахын хэрэггүй” хэмээн шаардаж байна гэж АН-ын “Мо дарга” гэдэг эрхэм хэлсэн гэнэ. Эдийн засгийн уналт, хөгжлийн саатал, ард түмний амьдралын доройтол, долларын өсөлт зэрэг өмнөх хоёр жилийн нүглээ үлдэх ганц хоёр жилд “олон нийтийн” радио телевизээр л дамжуулан цайруулах гэх биз. М.Наранбаатарыг хөөсөн Үндэсний зөвлөлийн хурлаас харахад Ц.Оюундарийг Ерөнхий захирлаар ногоон гэрлээр батлана гэдэг нь тодорхой байна.
NUUTS.mn
