Нууц мэдээллийн уурхай

Төрийн “хар хүн” суух учиртай ТНБД-ын суудлыг МАНАН улстөрийн бохир аргаараа хувааж авахаар оролдож байна. Ялангуяа Ардын нам наана гэмгүй царайлав ч цаагуураа энэ санаагаа хүчтэй зүтгүүлж сууна. МАН энэ удаад СЯ болон БХБЯ-ын ТНБД-ын суудалд өөрийн хүнээ заавал суулгах төлөвөгөөтэй бөгөөд ялангуяа БХБЯ-ыг бүр нэр зааж онцолж байгаа гэнэ. Энэ нь цаагуураа нэлээд учиртай аж. МАН-ын дээд түвшиний дарга нарын барилгын компаниуд өмнөх хоёр Засгийн үед өндөр өртөгтэй олон ажил, тендер авсан ч нэлээд хэсгийнх нь санхүүжилт царцаагдаад хоёрдахь жилдээ “баларч” суугаа. Энэ нь тэдний улстөрийн ажлыг нь “гацаасан” том саад бэрхшээл хор хохирол болж тусаж. МАН-ын нэлээд том  даргын нэгэн компани гэхэд л Говь-Алтай аймгийн ЗДТГ-ын барилгын ажлыг авсан нь санхүүжилтгүй зогссон. МАН-ын Бага хурлын гишүүн Г.Даваасүрэнгийн “Ган хийц” компани л гэхэд Дорнод аймгийн ЗДТГ-ын 5.6 тэрбумын өртөгтэй шинэ барилгын ажлыг авсан ч хөрөнгө оруулалтыг нь царцаагаад таг зогсоосон. Оны өмнөхөн энэ мэтээр “хохирч” байгаа олон компаний төлөөлөл УИХ дахь МАН-ын бүлгийн дарга С.Бямбацогттой уулзсан агаад тэрээр БХБ-ын сайд Д.Цогтбаатартай нийлэн яамны ТНБД-ын даргыг АН-аас томилох гэж байгааг “эрс эсэргүүцсэн” билээ.  Ердөө энэ шалтгаанаар л МАН нь СЯ болон БХБЯ-ны ТНБД-ын даргыг заавал авах гэж дайрч байгаа аж. Энэ удаад “МАН” ах нар дарга нарыгаа уурлуулахаас айдаг, чих зөөлөнтэй “хуучин цэрэг” Ц.Цэнгэлийг  БХБЯ-ны ТНБД болгох гэж байгаа нь тун зөв сонголт гэнэ.
 

NUUTS.mn