“Эрдэнэс МГЛ”-ыг гар султай хүн удирдаж байна
“Шийдлийн” Засгийн газрын шийдсэн бодлогоор О.Сайнбуян захиралтай төрийн өмчит “Эрдэнэс МГЛ” компани нэлээд томрохоор байгаа. Татан буугдах ТӨХ-ийн зарим үүргийг өөртөө авч төрийн өмчит бүх компаниудын менежментийг энд төвлөрүүлнэ гэсэн хувилбар саарал ордонд хүчтэй яригдах болсон. Гэтэл найдаад байгаа “Эрдэнэс МГЛ”-ыг нь тун ч гар султай дэндүү зөөлөн хүн удирдаж байгаа гэнэ. Ганц компаниа бараг зөнд нь хаяихсан өнөөгийн удирдлагад төрийн өмчит бүх компанийг өгвөл бүр баларсан хэрэг болох янзтай гэнэ. Наанадаж л компаний засаглалын хувьд бэхжээгүй, ажилтнуудын ажил үүрэг тодорхойгүй, хэн хаана ажиллдаг нь мэдэгдэхгүй бужигнасан байдалтай байдаг бололтой. Нарийн тооцоотой байх ёстой цалин урамшуулал олгох явдал найзан дундаа орж ажил хийгээгүй хүнд хүртэл цалинг нь бүр бүтнээр олон сар өгөөд явж байсан хэрэг гарчээ. “Эрдэнэс МГЛ” компанид захирлын туслахаар 2007 оноос хойш ажилласан Б.Мягмарсүрэн саяхан халагдаж. Тухайн компаний хөдөлмөрийн гэрээний маргаан бидэнд хамаагүй бас сонирхолгүй ч ажлаа хийгээгүй байсан гэх дөрвөн сарын турш цалинг нь бүтнээр нь өгч байсан нь гайхал төрүүлж байна. Захирлын туслах асан сарын 1.3 төгрөгийн цалинтай байсан гэнэ. Тооцоо хяналт бүртгэл нарийн чанд явагдах ёстой төрийн өмчит компанид удирдлагадаа тунирхсан ажилтан нь яваад өгөхөд компьютер ширээг нь хэдэн сараар хадгалаад бүр цалинг нь хүртэл өгөөд явж байдаг болжээ. Ийнхүү ирээдүйд “томрох” гээд “Эрдэнэс МГЛ” нь дотроо ч учраа олоогүй байхад энэ компанид ихээхэн эрх мэдэл өгөх нь зөв үү…
NUUTS.mn
