2014 оны эхний гурван улиралд Оюутолгой 1.9 их наяд төгрөгийн баялаг гаргажээ
С.Баярцогтын гайхамшигт гэрээний ачаар өмнийн говийн их баялаг монголчуудын хамар доогуур урсан гадагшлах болсон. Бидний хувьд “харахын заяа байхаас хазахын заяа байхгүй” гэдгийн үлгэр болоод байна. Өнгөрсөн оны эхний гурван улирлын тооцоогоор Оюутолгой компани 1.9 их наяд төгрөгийн баялаг гаргажээ. Үүнийг нь зарж борлуулсны орлого гэж “Рио Тинто”-д 990 тэрбумын бохир ашиг ноогдсон бол азгүй монголчууд 0 хувийн ашиг хүртэх тооцоо гарчээ. Дээр нь бүр өртэй гарсан гэнэ. Тооцоо нь орж ирсэн дээрхи гурван улирлын дүнгээр Монголын Засгийн газар 351 саяыг менежментийн төлбөрд төлөхөөс гадна “гайхамшигт” 34 хувийнхаа зээлийн хүүд 639 сая төгрөг төлөх тооцоог “Рио Тинто”-гоос гаргажээ. Иймэрхүү сэтгэл гутраасан тоотой танилцуулга ЗГХЭГ-д ирсэн агаад одоо болтол засгийн газрын гишүүдэд тараагдахгүй, хурлаар орохгүй дарагдаж байгаа гэнэ.
NUUTS.mn
