“Өширхөг” З.Энхболд
МҮОНРТ-ийн Ерөнхий захирал М.Наранбаатарын Монголын улстөр дэх хамгийн хүчирхэг хүмүүсийн нэгтэй хүч тэнцвэргүй тулааанд орсоныг нь олон хүн “үйл нь ирсэн хулгана муурын сахлаар оролдохын” үлгэртэй зүйрлэж байна. УИХ-ын дарга З.Энхболд болон М.Наранбаатар нарын тэмцэл 2008 оноос улбаатай гэнэ. Тухайн үед Өвөрхангай аймагт нэр дэвшиж байсан АН-ын тухай “Эвтэй 4 амьтан” залгуулаад МАН-ын нэр дэвшигчдийг нэр хүндийг унагах зорилготой “Сэвтэй 4 амьтан” гэсэн донжийг нь олсон нэртэй нэвтрүүлэг гаргахыг нэр дэвшигч З.Энхболд гуйсан гэнэ. Харин адилхан Өвөрхангай аймгийн хүн М.Наранбаатар “АН-ын нэр дэвшигчид ч манай нутгийнх, МАН-ын нэр дэвшигчид ч бас манай нутгийнх” гээд татгалзжээ. Харин үүнийг нь ирээдүйн УИХ-ын дарга мартаагүй бас уучлаагүй аж. Нутгийнх нь дүүгийн яриагаар З.Энхболд өширхөг хүн агаад Ардын намын мэнгэт хараас ч илүү байж ч магадгүй аж. Улстөрийн нарийн тооцоотой, хийгүй, үйлдэл бүхнээ цэнэдэг хянадаг, юмыг жижиг гэж хаядаггүй, хариугаа заавал авдаг зэрэг нь З.Энхболдын шинж бололтой. 2012 оны сонгуулийн дараахан АН-ын генсек болсон МҮОНТ-ийн захирал асан Ц.Оюундарь ч даргаа дагаад М.Наранбаатартай таардаггүй. Радио телевизийг тойрсон өмнөх шуугианы үеэр генсек хатагтай МҮОНРТ-ийг “живж байгаа хөлөг онгоцтой” зүйрлэсэн бол М.Наранбаатар “живж байгаа онгоцноос хамгийн түрүүнд харх л зугатдаг” хэмээн хариулж байсан. Харин “Сэвтэй 4 амьтан” нэвтрүүлгийн тухайд Ардын намынхан “цаадах чинь энэ зэргийн юм өлхөн хийнэ” гэж ярьцгааж байна.
NUUTS.mn
