Тэргүүн хатагтайн хамаатан УБТЗ-д хоёр жил ажиллаад “Алтангадас” авчээ
УБТЗ-ын Ачих буулгах тээвэр экспедицийн механикжсан ангийн даргаар тэргүүн хатагтай Х.Болормаагийн нэгэн дүү Х.Болор-Оргил ажилладаг тухай манай сайт өмнө нь мэдээлж байсан. Тэргүүн хатагтайн дүү дарга хийж болохгүй гэсэн хууль хаа ч байхгүй ч тухайн үедээ Эрхүүгийн төмөр замын дээд сургуулийн оюутан залууг оюутны ширээнээсээ салаагүй байж даргын алба давхар хашиж байсаныг нь бид онцолсон. Тэр үед УБТЗ даяар хэмнэлтийн бодлого явуулж байхад залуу дарга албан өрөөгөө иж бүрэн тохижуулахад удирдлагаас нь нэг ч хүн дуугараагүй. Тэгвэл өдгөө тэргүүн хатагтайн дүү рүү чиглэсэн үгэн сум замын удирдах газраас гарах болж. Учир нь дээд сургуулиа төгсөөд ердөө хоёрдахь жилдээ ажиллаж байгаа Ачих буулгах тээвэр экспедицийн механикжсан ангийн дарга Х.Болор-Оргил нь оны өмнөх одонгийн давалгаанаар “Алтангадас” хүртсэн гэнэ. Энэ нь 20-30 жил ажилласан хэрнээ энэ том одонг авч чадаагүй төмөр замын хөгшин дарга нарын дургүйг хүргэж “юу хийсэн гэж авдаг бас өгдөг юм” гэх яриа тархжээ. Нэг талаасаа аргагүй л үнэн. Ердөө хоёрхон жил ажилласан хүн том одон авахаар ажил хийж амжилт гаргасан эсэх нь тун ч эргэлзээтэй биз. Гэтэл нөгөө хэсэг нь хорь гучин ажиллачихаад энгэрт нь гялтайх ч зүйл байдаггүй нь дэндүү шударга бус явдал гэнэ. Гэсэн ч шудрага ёс ярьж гарч ирсэн Ерөнхийлөгчтөн эхнэрийнхээ дүүг “Алтангадас” одонгоор шагнах тогтоолд гарын үсэг зурахдаа дээд сургууль төгсөөд ердөө хоёрдахь жилдээ дарга хийж байгааг нь мэдээгүй байсан биз.
NUUTS.mn
