Б.Цогтгэрэл Р.Улаанхүүг “Орхоны 9 алдартан”-ы нэг болгожээ
МАН-аас ШӨХТГ-ын даргад нэр дэвшигч Б.Цогтгэрэл нь Орхон аймгийн АН-ын гишүүнийг хүний амь хөнөөсөн хэрэгт холбосон мэдээ цахим хэвлэлээр тараагад нэг хэсэг балласан бас баларсан. Хүнд ноцтой хэрэгт гүтгэгдсэн аймгийн ИТХ-ын төлөөлөгч Р.Улаанхүү нь тэр дороо хуулийн байгууллагад хандсанаар мань эр Ганцад 24 хоног суугаад авсан. Гүтгүүлсэн хүн сэтгэл санааны хохиролд 50 сая төгрөг нэхэмжилж тэр мэдээ нь нэр бүхий сайтад нь гурав хоног байсан гэж гомдол мэдүүлсэн. Харин Б.Цогтгэрэл гурав хоног биш ердөө гуравхан цаг байлгаад л авсан гэж маргасан гэдэг. Сэтгэл санааны хохирлын тухайд Р.Улаанхүүг хотод ирэхэд нь уулзан уучлал гуйсан гэнэ. Мань эр өөрөө хоригдсоны дээр тэр тухай мэдээлэл нь олон нийтийн хэвлэл мэдээллийн хэрэгслээр улс орон даяар цацагдсан тул тэр хэмжээгээр Р.Улаанхүүгийн нэр хүнд сэргэсэн болж таарчээ. Б.Цогтгэрэлд гүтгүүлсний дараахан шинэ жилээр Р.Улаанхүү нь “Орхон аймгийн 9 алдартан”-ы нэг болж байсан гэнэ.
NUUTS.mn
