“Шунхлай трейдинг” УБЕГ-д 27 сая төгрөгөө “алдсан” гэнэ
Нийтэлсэн: 2014-12-26 03:28:29
УБЕГ-ын байцаагчид эрх мэдлээ хэтрүүлэн их хэмжээни мөнгө илүү авсан хэмээн “Шунхлай” компанийхан гомдолтой байгаа гэнэ. Тус компани Франц улсын “Би Эн Пи Парибас” гэдэг байгууллагын Сингапур дахь салбараас 28 сая долларын зээл авах гэрээ байгуулж барьцаанд нь Сонгино хайрхан дүүргийн 20-р хорооны нутаг дэвсгэрт байрлах үл хөдлөх хөрөнгөө 21.1 тэрбумаар үнэлж тавьжээ. Хуульд заасан хувь хэмжээгээр барьцааны гэрээ, түүгээр хангагдах барьцааны шаардлагад ногдох үйлчилгээний хөлсийг улсын бүртгэгч нарт “яаралтай” гэсэн хэлбэрээр тооцож 21.1 сая төгрөг төлөх ёстой байж. Гэтэл Сонгинохайрхан дүүүргийн улсын бүртгэгч Г.Мөнхнаран, Эд хөрөнгийн эрхийн бүртгэлийн тасгийн дарга Г.Цолмон нар хууль буруу хэрэглэж үйлчилгээний төлбөрийг барьцааны гэрээнд заасан зээлээс бус харин “Үндсэн зээл”-ийн гэрээнд тусгасан 28 сая доллароос тооцон 48 сая төгрөг суутгаад авчихсан гэж ҮБЕГ-д гомдол гаргаж илүү төлсөн 27 саяаө нэхжээ. Харин ҮБЕГ нь “эд хөрөнгөний барьцаа /ипотекийн/ болон батлан даалтын гэрээний эрхийг улсын бүртгэлд бүртгэхдээ хэрвээ яаралтай хэлбэрээр үйлчлүүлбэл хөлсний хэмжээг хоёр дахин нэмэгдүүлж авна” гэсэн журмаараа л авсан буцааж өгөхгүй гэсэн гэнэ.
NUUTS.mn
