ГЕГ Бичигтийн боомтын гаальчидыг бүгдийг нь халжээ
Нийтэлсэн: 2014-12-26 03:05:49
.jpg)
Сүхбаатар аймгийн Бичигтийн боомтын гаалийн албанд саяхан томхон халаа сэлгээ хийгджээ. Бараг бүх ажилтан нь солигдсон гэнэ. Боомтын гаалийн байцаагч А.Жамьяанпүрэвийг гаалийн хяналтанд хайнга хандсаны улмаас нийтдээ 95.6 сая төгрөгийг татвараас зайлсхийх нөхцөл бүрдүүлсэн хэмээн үзэж сахилгын хорооны хурлаар оруулан ажлаас нь халах шийдвэр гаргажээ. Том ачаатай машин орж ирж байхад ердөө 150 мянган төгрөгний татвар тавьсан агаад тэрхүү тээврийн хэрэгслийг дараа нь саатуулж тооцож үзэхэд 95 сая төгрөгний татвар төлөх тооцоо гарчээ. Ингээд албан үүрэгтээ хайнга хандсан хэмээн гаалийн байцаагчийг халж хэргийг нь цагдаад шилжүүлж. Энэ явдалтай холбоотойгоор гаалийн ахлах байцаагч О.Шаравдоржийг бас халаад өргөн хүрээтэй өөрчлөлт хийн ихэнхи хүмүүсийг халж сольжээ. Гаалийн зөрчил гарсан өдөр улсын ахлах байцаагч нь чөлөө авч түүний үүргийг А.Жамьяанпүрэв гүйцэтгэж байсан гэнэ. Харин ГЕГ-ын удирдлага 95 сая төгрөгийн татвар ноогдох бараанд 150 мянгыг бичсэн хэргийг санаатай хуйвалдсан үйлдэл байх магадлалтай, ер нь гаалийн зөрчил гарах бүрийд ахлах байцаагч нь чөлөө авсан байдаг нь тохиолдлын зүйл биш гэж үзжээ. Ингээд Бичигтийн боомтод томоохон халаа сэлгээ хийснийг нь гаальчид эсэргүүцэн хүлээж авсан гэнэ.
NUUTS.mn
