“Сод Монгол”-ын Ч.Анандбазар “Хүннү Эйр”-ын “Фоккер-50” онгоцыг онилжээ
“Хүннү Эйр” компани зорчигч тээврийн “Фоккер-50” онгоцоо “Сод Монгол”-д алдаж магадгүй хүндхэн байдалд оржээ. Агаарын тээврийн энэ компани шатахууны магнатад маш их хэмжээний өртэй агаад шүүхийн шатанд осчон маргаан нь сүүлдээ эвлэрлийн гэрээ байгуулснаар тохиролцоонд хүрч. Гэхдээ тэрхүү эвлэрэлийн гэрээ нь “Хүннү Эйр”-д ашиггүй болсон тухай компанийхан ярьж байна. “Хүннү Эйр”, “Сод Монгол” компани нь 2012 оны 1-р сарын 16-ны өдөр “нефть бүтээгдэхүүн худалдах, худалдан авах” гэрээ байгуулж хамтран ажилласаар ирж. Энэ гэрээний дагуу агаарын хөлгийн ТС-1 шатахууныг урьдчилсан төлбөрт байдлаар олгож ирсэн гэнэ. Дараа нь хоёр тал гэрээндээ өөрчлөлт оруулан “Хүннү Эйр” нь зээлээр авах болж. Өдгөө төлөгдөөгүй зээлийн үлдэгдэл нь 776 мянган доллар буюу 3.4 тэрбум төгрөгт хүрчихсэн гэнэ. Үүн дээр төлбөр төлөх хугацаа хэтэрсэний алданги нь л гэхэд 707 сая төгрөг болжээ. “Сод Монгол” шатахууны төлбөр, алдангиа нэхсэн тул хоёр тал эвлэрэлийн гэрээ байгуулж асуудлыг шийдэхээр болж. “Хүннү Эйр” нь энэ ондоо багтаан өрөө бүрэн төлөх үүрэг хүлээсэн агаад төлбөрөө бүрэн барагдуулах хүртэл өөрийн өмчлөлийн ЛЗ-8881, Ш-8882, 111-8883 дугаар бүхий “Фоккер-50” онгоцоо бусдад худалдахгүй шилжүүлэхгүй гэсэн давхар үүрэг авчээ. Энэ нь өрөө талж чадахгүй бол онгоц нь “Сод Монгол”-ынх болно гэсэн үг аж.
NUUTS.mn
