Хүүхдээ тоосонгүй гээд нөхрийнхөө мотоциклийг шатаасан хэрэг Орхон аймагт гарчээ
Нийтэлсэн: 2014-12-23 01:37:00
Монгол эмэгтэйн уур хилэн ямар агуу гэдгийг харуулсан хэрэг Орхон аймгийн Баянбулаг суманд гарчээ. Мэдээлэл зүйн багш мэргэжилтэй, хоёр хүүхдийн эх Г.Ундармаа нь нөхөртөө уурласан уур шарандаа “Мустанг-150” мотоциклийг нь шатаасан гэнэ. Тэрээр цагдаад “би хөдөө Чингэлийн голд хоёр хүүхдээ дагуулаад очсон, гэтэл манай нөхөр Бямбаа сагс тоглоод хоёр хүүхдээ ч тоохгүй сүнс сүүдэр шиг юу гэж намайг загнасан, ингээд хоёр хүүхдээ ав гэж хэрэлдсэн, нөхөр намайг зайл гээд өшиглөж хөөсөн, дүү Адарсүрэн нь миний хоёр хүүхдийг хөөгөөд цохихоор нь уур хүрээд нөхрийнхөө мотоциклийн шатахууны савны шланкийг сугалж бензин нь асгарахаар шүдэнз зурж шидээд шатаасан нь үнэн энэ явдлын дараа нөхөр нийлье гээд буцаж ирсэн, одоо би нэг сартай жирэмсэн” гэж бардам мэдүүлжээ. Үр хүүхэд нь ирчихээд байхад тоох ч үгүй харин ч хөөж туудаг эцгийг яалтай ч билээ. Нөхөр нь уг мотоциклийг өнгөрсөн 5-р сард 1.5 сая төгрөгөөр худалдан авсан гэжээ.
NUUTS.mn
