МХЕГ-ын даргад Д.Мөрөн С.Ганбат нар яригдаж байна
“Шийдлийн” Засгийн газарт орох шийдсэн мэхээ хийсэн МАН сайд, дэд сайд нараа хэл ам багатай хуваагаад авсан. Одоо агентлагийн дарга нар хэмээх айхтар “боорцог” үлдээд байгаа бөгөөд энэ будаан дээр жинхэнэ зодоон гарах төлөвтэй болжээ. МАН-ын Хууль эрхзүйн газрын дарга Д.Мөрөн МХЕГ-ын даргын суудалд нэр нь эхний эгнээнд бичигдэж байгаа. Гэтэл нөгөө айхтар хотын фракц гэгч нь “Эрдэнэт” үйлдвэрт дээгүүр албан тушаал хашдаг С.Ганбат гэдэг нөхрийг хажуугаар нь зүтгүүлээд эхэлжээ. Түүнийг М.Энхболдын хүн гэдгээр нь Ардын намынхан мэддэг. Сонголтыг мэдээж намын дарга хийх тул өөрийн хүнээ МХЕГ-ын даргад тавих магадлал өндөр байгаа. Гэхдээ ийм шийдвэр гаргавал нам доторхи хагарал улам гүнзгийрэх аюултай гэнэ. Хэрвээ М.Энхболд МХЕГ-ын даргад өөрийн талын хүнээ дэвшүүлэх юм бол АН-тай Ардын нам тохироо хийсэнэ үү эсвэл хотын фракци тохироо хийсэн үү гэдэг том асуудал босож ирэх аж.
NUUTS.mn
