Дорнодын Боловсролын газрын дарга багш нарын “бэлгийн ариун цэврийн” тухай албан даалгавар гаргажээ
Нийтэлсэн: 2014-12-22 05:44:37
.jpg)
Зүүн бүсийн энэ аймгийн ЕБС-ийн залуу эмэгтэй багш нар Боловсролын газрын дарга Д.Алтанцэцэгийн “бэлгийн ариун цэврийг сахь” гэсэн албан даалгавраас болж хүүхдүүдийн өмнө гарч хичээлээ заахаас ичдэг болжээ. Боловсролын газрын даргын ЕБС-ийн захирал нарт хүргүүлсэн албан даалгаварт” багш нарын бэлгийн ариун цэвэр муу байгаа, түүнийг сайжруулах, багш нараар бэлгийн ариун цэврийг нь сахиулах” талаар арга хэмжээ авч ажиллахыг даалгажээ. Инээдтэй энэ тушаал тэр дорхноо задарч шавь нар нь ялангуяа ахлах ангийн хөвгүүд нь залуу эмэгтэй багш нараа дооглох болсон гэнэ. Үүнээс болж багш нарын нэр хүндийн асуудал ч яригдан бүр аймгийн ИТХ -ын хуралдаанаас Боловсролын газрын даргадаа албан даалгавраа зас гэсэн чиглэлийг өгсөн гэнэ. Уг нь Доронд аймгийн төвийнхэн нэлээд хотжсон хүмүүсийнх нь ариун цэвэр харьцангуй гайгүй баймаар мэт боловч дарга нь багш нарынхаа бэлгийн ариун цэвэр муу байгааг олоод “мэдчихжээ”. БГ-ын дарга нь ийнхүү онигоонд оруулж байгаа бол “Уулаа” хэмээх алдарт П.Мөнхтөр гэдэг дарга нь багш нарт дүрэмт хувцас хүчээр өмсгөөд бас олны доог болгожээ.
NUUTS.mn
