О.Магнай албан тушаалаа өглөө
ШӨХТГ-ын дарга О.Магнай албан тушаалаасаа татгалзаж үүрэгт ажлаа хүлээлгэн өгөхөө мэдэгдлээ. Тэрээр өөрийнх нь орж ажиллаж байгаа “Шийдлийн” хэмээх Засгийн газарт ямар ч сөрөг хүчин байхгүй болсон тул ийм хяналтгүй төрд ажиллах нь буруу гэж үзсэн гэнэ. Мөн шадар сайдаар томилогдоод байгаа У.Хүрэлсүхтэй хамтран ажиллаж чадахгүй гэдгээ мэдэгдэв. Сөрөг хүчингүй Засгийн газраас гарч байгаа нь ирэх сонгуулийн босгон дээр хариуцлага хамт үүрэлцэхээс эмээсэн байж болох юм. Ч.Сайханбилэгийн Засгийн газрын сайд, дарга нар эдийн засгийн энэхүү хямралын үед сайн нэр зүүхгүй, сонгуулийн өмнө гол буруутнаар тодрох тул нэр хүнд нь навс унах нь мэдээж. Тэднээс нэр дэвшээд гарч ирэх магадлалтай хүн бараг үлдэхгүй шахам болох тул О.Магнай одооноос нэрээ татан нэрээ цэвэрлэж байж болох юм. Хоёрдахь шалтгааны хувьд түүний зөв байж ч болох талтай. Шадар сайд нь шууд удирдлагын хувьд ШӨХТГ-ыг даргыг яаж ч бөмбөгнүүлсэн чадах эрх мэдэлтэй. Гэтэл энэ албан тушаалд банкны мөнгө, зодоон нүдээний хэрэгт нэр холбогддог “танхай” хүн гараад ирэхээр дор нь ажиллах улс нь амиа бодох нь аргагүй биз. Түүнээс гадна ШӨХТГ-аар ажиллаад бүтээсэн зүйл ховор байгаа. Зах зээлд дангаараа ноёрхсон монопольчилсон том компаниудын эсэрэг авсан 9 арга хэмжээ нь бүгд шүүхийн шатанд унасан тул эрхтхэн чадах хүнд ажлаа өгсөн нь дээр гэж үзжээ.
NUUTS.mn
