ХХБ-ны ажилтнууд ажлынхаа гадаа архи ууж байгаад зодолджээ
Нийтэлсэн: 2014-12-19 06:39:29
Хэдий амралтын өдөр байсан ч хамгийн ахмад нь болох 44 настай жолооч Ч.Ганбат нь зодуулж хүнд гэмтсэн гэнэ. Түүнийг 16 насаар дүү бөгөөд ХХБ-ны АТМ хариуцсан инженер Э.Мэндбаяр заамдалцан арагш нь унагахдаа хүнд гэмтээжээ. Тухайн өдөр хамт ажилладаг нөхөр нь шинэ машин авсан гээд банкныхаа машины зогсоолд унаандаа “угааж” байжээ. Ч.Ганбат нь урд өдөр нь уучихсан байсан тул дотроо засчих санаатай очсон биш баруун хөлөө шаант хавиар нь хугалуулж. Түүнийг очиход машин дотроос АТМ-ын инженер гараад иржээ. Тэрээр мялаалгын архинаас уусан ч согтоогүй байсан гэж мөрдөн байцаалтанд мэдүүлж. Хөгшин залуу хоёр маргалдан барьцалдаж авч улмаар харилцан түлхэлцэх үед ахмад нь хөлөө хугалуулаад шууд эмнэлэг явж. Хэрэг мандан цагдаад очсон ч нэг банкны хоёр тул удалгүй эвлэрчээ. Э.Мэндбаяр нь хөл хугалсаны нөхөн төлбөр хэмээн таван сая төгрөг өгсөн гэнэ. Шүүх хүнд гэмтсэнийх нь хэргийг хэрэгсэхгүй болгоод харин зодсон инженерийг нь нэг жил тэнсэн харгалзжээ.
NUUTS.mn
