Сэлэнгэ аймгийн Сүхбаатар сумын дарга нар ичихээ байжээ
.jpg)
Аймаг сум бүрд орон нутаг хөгжүүлэх, сум хөгжүүлэх сан ажиллаж байна. Энэ сангийн хөрөнгийг иргэдийн хараа хяналт дор зөвхөн тэдний санал болгосон ажил бүтээн байгуулалтанд зарцуулах учиртай. Өөрөөр хэлбэл энэ хөрөнгийг тухайн сум орон нутгийн иргэд мэдэж зарцуулах учиртай. Гэтэл орон нутагт эрхтэн дархтан нар өөрсдийн хөрөнгө мэт үзэж албаны эрх ямбандаа үрээд дуусгаж байна. Сэлэнгэ аймгийн Сүхбаатар суманд Сум хөгжүүлэх сангийн хөрөнгөөр хийгдэх ажлын эрэмбийг гаргаж санал авахад иргэд ахуйн үйлчилгээ, халуун ус барихыг дэмжиж 203 санал өгсөн гэнэ. Гэтэл сумын удирдлага нь нэг ч санал аваагүй ажил болох ЗДТГ-ын гарааш барих ажилд 30 саяыг төсөвлөсөн байжээ. Дарга нарын өндөр үнэтэй машинд дулаан гарааш хэрэгтэй юу эсвэл ард иргэдэд усанд орох халуун усны газар хэрэгтэй юу гэдгийг цэгнээд зарчимч шийдвэр гаргах хүн энэ сумын олон дарга нараас гарсангүй. Энэ сумын засаг дарга хатагтай нь хотын статус нэхэж явдаг гэсэн. Хэрвээ хот болох юм бол бүр 300 саяын гарааш баригдах бололтой.
NUUTS.mn
