Уран зургийн галарейд болсон явдал буюу ажилтнаараа “оролдох” аюултай
Нийтэлсэн: 2014-12-18 02:02:03
Монголын Уран зургийн галарей нь олон түмнийг Монголын орчин үеийн дүрслэх урлагийн бүтээлтэй танилцуулах зорилгоор анх байгуулагдаж байжээ. Энэхүү гэгээн сайхан ажлын цаана хар бараан зүйл нуугдаж байдаг бололтой. Галарейн захирал Н.Батбаатар нь нэгэн ажилтнаа халсан биш өөрөө буруудаад арга буюу эргүүлж ажилд нь буцаан авч байсан гэнэ. Энэ явдал ССАЖЯ гэж байхад болжээ. Тус галарейн нягтлан бодогч С.Дагиймаа нь ажиллах хугацаандаа ажил үүргээ сайн биелүүлж тайлант мэдээг цагт нь үнэн зөв гаргаж ажлаа сайн хийдэг ажилтан байж. Гэтэл түүнийг захирал нь тушаал гарган ажлаас нь халжээ. Учир нь галарейн Өмч хамгаалалын комисс хэмээх нягтлан бодогч нарын албан тушаалтан оролцсон хүмүүс захирлынхаа үйл ажиллагааг шалгуулахаар яамны сайддаа өргөдөл бичиж мөн яамны ХШҮДАГ-д хүсэлт тавьсанаас болж. Өмч хамгаалалын комисс захирал Н.Батбаатараа албан тушаалаа урвуулан ашиглаж галарейн тендерийн мөнгийг хадам ээжийнхээ “Хануй гол” гэдэг компани луу шилжүүлээд байна гэж “матжээ”. Яамнаас ирсэн шалгалт захирлыг зөрчил гагасан болохыг тогтоож гэнэ. Үүнд нь уурссан Н.Батбаатар тушаал гарган нятлан бодогчоо халжээ. Нягтлан ч удирдлагынхаа төрийн өмчийг шамшигдуулж байгаатай эвлэрээгүй нь төлөө ажлаа халагдлаа шүүхэд өргөдөл гаргаж. Дарга нягтлан хоёрын тэмцэл ширүүсвэл цаашаа юу ч илэрч магадгүй нөхцөл байдал үүссэн тул Н.Батбаатар удалгүй халсан тушаалаа өөрөө цуцлан С.Дагиймааг ажилд буцаан авчээ. Шүүх ч тэдний эвлэлрийг баталсан тогтоол гаргаж. Энэ явдал өнөөгийн дарга нарыг ялангуяа байгууллагынхаа санхүү хариуцсан хүмүүсээр хамаагүй “оролдож” болохгүйг харуулсан нэгэн том сургамж болжээ.
NUUTS.mn
