Хөгжлийн бэрхшээлтэй эмэгтэйг хүчирхийлсэн хэрэг Сэлэнгэд гарчээ
Нийтэлсэн: 2014-12-18 01:40:46
Тахир дутуугийн группэд байдаг, ганцаараа явж чаддаггүй эмэгтэйг хүчирхийлсэн хэрэг Сэлэнгэ аймагт гарчээ. Энэ бусармаг хэргийг Сэлэнгэ аймгийн Алтанбулаг сумын 3-р багт оршин суудаг, цахилгаанчин мэргэжилтэй Ч.П гэгч үйлдэж. Хэрэг үйлдэхдээ тэрээр согтуу байжээ. Урьд өмнө нь архи ууж байгаагүй тул уугаад л ухаанаа алдаж. Тэр өдөр хүргэн нь түүнийг архиар шахаад энэ шившигт хэргийн эхийг тавьжээ. Хэрэгтэн нэг шил архи уугаад л цаашаа юу болсоныг ерөөсөө санахгүй байна гэж мэдүүлсэн аж. Архи ууж халуурсан нөхөд хохирогчийнд иржээ. Цоомоо Оюунбат гэх найз нар дээр нь хохирогчийн нөхөр хүртэл нэмэгдэж. Архиа ууж дууссан залуус гарч явсаны дараа Ч.П буцаад ороод ирсэн гэж хохирогч мэдүүлж. Тэрээр хоёр найзаа алга болчихлоо гэснээ “одоо Оюунбат байхгүй юм чинь би хэнтэй унтах юм, чамтай унтана” гээд хөгжлийн бэрхшээлтэй эмэгтэйг бариад Хүчирхийлэх үедээ дуугарвал ална шүү хэмээн амыг нь таглаж. Нэлээд удсаны дараа би тавихгүй байна гэсээр босож ирэн уурандаа гэрийн хамаг эд хогшлыг нь нурааж эвдсэн гэнэ. Азаар энэ үед нөхөр нь орж ирсэн ч хүчирхийлэгч түүнийг цохиж унагаад гарч зугатжээ. Гэсэн ч хохирогчийн гомдлыг хэрэгтний ар гэрийнхэн бүрэн барагдуулсан, байнга эргэж тойрч тусалж байгаа тул гомдолгүй гэснээр Ч.П-д хоёр жилийн хорих ял оноогоод тэнсэн харгалзжээ.
NUUTS.mn
